قبل لحظات الهروب ( زين الهاربين بن على ) حصريا
اجرى بسرعة بسرعة ياريس
الشعب خلاص مبقاش بيهيص
شعبك فاق بعد ماداق
طعم الالم و المر كويس
اجرى بسرعة بسرعة ياريس
********
اجرى بسرعة ياريس وقولهم انا خواجة
مانت قلت فهمتكم و طلعت مفهمتش حاجة
و اتارى ياريس اخرتها كانت زى بديتها
اتاريك مش دراين بالناس المحتاجة
***********
اجرى بسرعة ياريس قلع
الموضوع بقى نار و مولع
اجرى و الحق قبل ماتغرق
بعد النهاردة منتش مدلع
اجرى بسرعة ياريس قلع
**********
اجرى بسرعة قوام يامعلم
الشعب خلاص اهو فاق و اتعلم
بعد ماجاع بعد ماصاع
بعد ماطوب الارض اتكلم
اجرى بسرعة قوام يامعلم
***********
اجرى بسرعة على الطيارة
دى اخر مرة نركبها يالف خسارة
اه على الا راح على الميغة و الافراح
مش هانلاقى نركب حتى حمارة
اجرى بسرعة على الطيارة
***********
اجرى وروح على اى مكان
و دارى وشك خبيه زى النسوان
لو كشفوك مش هايسبوك الا اما يسووك
و عيش معدوم الراحة و حتى الامان
اجرى وروح على اى مكان
************
اجرى و ماتبصسش حتى وراك
و ماتعدش مين ناقص و مين معاك
الحق نفسك و انجى بنفسك
سيب الباقى يعيش بلواك
اجرى و ماتبصسش حتى وراك
************
اجرى بسرعة و متخدش حاجة كفاية الا بره
ومتفكرش فى بلدك تبقى عبيد او تبقى حرة
ماهى فى عهدك واه من عهدك شافت ظلمك
و كل الناس دلوقتى ياريس خرجت من الجرة
****************
و اجرى بسرعة بسرعة ياريس
مبقتش حد يصقف و لا حد يهيص
شعبك فاق بعد ماداق
طعم الالم و المر كويس
اجرى بسرعة بسرعة ياريس
رد مع اقتباس
المشاركة الأصلية كتبت بواسطة الرومنسى
المفضلات