المساعد الشخصي الرقمي

مشاهدة النسخة كاملة : نتيجة التنسيق الثانى للمدارس التجريبيه



ahmedfarouk5
08-09-2009, 06:04 PM
اليوم كنت بالادارة التعليميه اسال عت نتيجة التنسيق التانى قالو لى ان النتيجه هتظهر يوم الخميس بس السن هيكون 5 سنوات وشهر و 28 يوم قالو لى كده قال ايه عشان اعمل حسابى على ايه مش عارف اصل انا بنتى عندها 5سنوات وشهر و15 يوم و ده معناه ان انتظر للتنسيق الثالث هيكون نتيجته بعد دخول المدارس تقريبا اول نوفمبر بمعن ان الاطفال من سن خمس سنوات حتى سن التنسيق لا يوجد لهم مكان بالمدارس التجريبيه وفقدو الفرصه فى التقديم حتى السنه الجايه حسبى الله ونعم الوكيل فيكى يا بلد بالتالى الخيارات المطروحه هى الاتى
1 - اقدم السنه الجايه وتدخل البنت اولى ابتدائى عربى على طول
2- اقدم فى مدرسه خاصه لغات بس ادفع سنتين ال روضه ( وده فى بعض المدارس مش كله )

ميرو2000
08-09-2009, 06:16 PM
بجد حسبي الله ونغم الوكيل انا نفس مشكلتك ياستاذ احمد بس ابني هيبقي 5 سنوات بالظبط يعني مش قدمنا غير الخاص ده ان لقينا طب ليه مأخرنا كله ده منهم لله ومأظنش ان في تنسيق ثالث ولاحاجه هما لما بيلاقو طلبه مدفعوش المصروفا بيدخلو حد مكانهم وديه طبعا فرص بسيطه

om sohaila
09-09-2009, 02:38 AM
بجد دا اسمة ظلم اللى عمل كدا يا جماعة انضمام الحوامدية لينا و البدرشين
الاهالى جم قدموا عندنا هنا لولادهم و لما يضمنوا مكان هيحوللهم السنة الجاية و السنةدى هيقعدوهم جمبهم
و عيالنا هما اللى راحوا فى الرجليين

انا انهاردة كنت بدفع مصاريف بنتى الكبيرة (مدرسة الشيخ زايد التجريبية )
و سالت المديرة على التنسيق التانى قالتلى انوا بيكون فية لغاية تنسيق رابع
و ان فية اولاد السنة اللى فاتت دخلوا على نصف السنة
بس المشكلة مييييين يديلنا الصبر
و بعدين انا مش هسكت (حلوة مش هسكت دى مش كدا و الله انا مقهورة فاستحملونى )انا هجاهد وار الموضوع باذن الله هكلم الاستاذ اللى جمع ارقام التليفونات بتاعتنا و هنروح نعمل تظلم
يعنى الاولاد يدخلوا فيين بقا ان شاء الله ما خلاص كل المدارس قفلت القبول
و اللى هتاخد الملف دلوقتى هتطلع عنينا فى الفلوس يعنى حسبى الله و نعم الوكيل

اية يا جماعة انتوا ناويين تعملوا اية؟؟؟؟

و على فكرة المديرة قالتلى التنسيق كل سنة بينزل تحت الخمس سنين بس دا فى المرحلة الرابعة يعنى على شهر 12 و علينا خير

و الله انا ما بنمش من الموضوع دا
يعنى البنت قعدتها جنبى و فى الاخر ترسى على خاص ما كان من الاول و كانت دلوقتى رايحة اولى ابتدائى
حسبى الله و نعم الوكيل

محمود التهامي
09-09-2009, 02:46 AM
يا أم سهيلة المشكلة مش في الحوامدية ولا البدرشين المشكلة مشكلة النظام الغبي اللي للأسف حكومته اليكترونية
مشكلة التنسيق دي من زمان واكبر مشاكلها بتظهر في تنسيق دخول الثانوي
على ايامي كان معانا طلاب من امبابة وبولاق عشان درجاتهم اقل من تنسيق الثانوية العامة عندهم بدرجة وللا نص درجة حتى
كل مشاكلنا في مصر أصلها وسببها النظام والإدارة
ممكن بقا نروح نشوف تنسيق الوادي الجديد وللا مطروح عشان الكام يوم الفرق دول

ميرو2000
09-09-2009, 06:09 AM
ماشي ياجماعة يامقهورين زي انا وام سهيله هنعمل ايه بالله عليكم اي جديد تكتبوه هنا احنا برضه من مدينة واحدة ويام سهيله اي جديد عرفيني وربنا ييسرلنا الحال علي رأيك كنا دخلناهم خاص مالاول بدل اللسنة اللي راحت عليهم منهم لله

ساسى
16-10-2009, 12:46 AM
والله ده مايرضى حد انا كمان قدمت لأبنى فى مدرسة الشيخ زايد التجريبيه كنت كتبها رغبة اولى وتانى رغبة مدرسة ابو بكر التجريبيه وللاسف ابنى ماتقبلش السنة دى وبرضه اعد جنبى وعلى فكرى كمان انا كنت كل ماتصل بالمدرسة يقولولى النتيجة ظهرت وخدنا من 5وشهرين وانا ابنى 4و8شهور ولما اتصلت بشكاوى التربية والتعليم قالولى لسه النتيجة ماظهرتش تخيلوا التشتت اللى كنت فيه وطبعا مطرة استنى للسنة الجايه وهيكون عنده5و8 شهور ومرعوبة جدا انهم يرفضوا السنة الجايه لأى حجة كالعادة بس ربنا يسترها .وبضم صوتى لصوتكم وبقول حسبى الله ونعم الوكيل

mamet arwa
29-01-2010, 06:33 AM
ايه يا جماعه الكلام دا
انا بنتى هتكمل 5 سنين فى 15 اكتوبر 2011
يعنى هيبقى سنها فى اول اكتوبر 5 الا اسبوعن واللى فهمته من كلامكو ان اللى بيتقبل بيكون سنه عادا الخمس سنين بكتير
معنى كده ان هى واللى زيها يدخولو كى جى 1 عندهم 6 سنين ولا ايه
ارجوكو حد يفيدنى بتجربته