المساعد الشخصي الرقمي

مشاهدة النسخة كاملة : لم ينجح أحد



fagrmasr01
03-03-2009, 04:50 PM
منقول من موقع (محيط )
قد يكون خبر طريف أو مجرد مزحة ، ولكن الحقيقة أن مقولة لم ينجح أحد ، ليست فقط للسخرية ، بل قد تكون حقيقة فى بعض الأحيان ، ولعل ذلك ما حدث فى مدرسة ترسة الإعدادية بنين ، وهى إحدى مدارس محافظة الفيوم ، التى شهدت نجاح طالب واحد فقط من أصل 430 طالب ، فى الشهادة الإعدادية ، مما يعتبر شئ مثير للدهشة، والعديد من التساؤلات .

طرح برنامج "العاشرة مساء" تلك التساؤلات على السيد " محمود عبد الفتاح محمود حويحي " مدير عام الإدارة التعليمية بمحافظة الفيوم ، الذي أكد أن هناك ظروف خاصة بالمدرسة تحول دون نجاح الطلاب فيها ، وهى أن المدرسة بعيدة عن أي طريق فهي مبنية وسط حقول ، ومزارع ، ولايوجد أى وسائل مواصلات ، وبالرغم من وجود اقتراحات حلول لتلك المدرسة إلا إنه لم يتم العمل بها .

تعليقى :
برغم معرفة المشكلة منذ سنوات
.. لم يتم حلها !
وعجبى

lionking
03-03-2009, 06:00 PM
عجبى واحدة ؟؟؟؟؟؟؟

مش كفاية والله يا ناس

ده عجبى وعجبى ومليوووووووووون عجبى فى دى بلد ودول ناااااااااااااس

حسبى الله ونعم الوكيل

fagrmasr01
03-03-2009, 06:42 PM
مع حضرتك طبعا الف حق

مش بس على المصائب اللى احنا عايشين فيها

لا والله

الكارثة ان الحكومة شغالة تدمير فى كل اتجاه ..

والكارثة الأشد ان كمان الشعب ساكت

زى ما يكون أخرس

وأقصى ما نفعله كشعب .. ان نتحسر على حالنا

وكل فين وفيييين .. نكشف راسنا وندعى عليهم

خلود
03-03-2009, 10:32 PM
يمكن باب السما يبقى مفتوح وقت الدعاء

السكوت احيانا بيبقى قله حيله

lionking
03-03-2009, 11:01 PM
ههههههههه

اللى بيعجبنى بجد انك تحس ان الحكومة دى متسلطة ع الشعب عشان تطلع روحه

وبعدين انت عايز الشعب يعمل ايه بعد ما الحكومة برده قتلت فيه كل حاجة وخلت فكره بينحصر فى الاكل وتوفير فلوس الدروس الخصوصية ( وياريت عارفين يحوشوها كمان )

حتى فى دى فاشلين

يالا هيروحوا من ربنا فين

fagrmasr01
03-03-2009, 11:03 PM
طبعا الف شكر للأعزاء ليون وخلود

لكن بصراحة يا خلود .. الدعا مش كفاية فى ظروفنا الى بنمر فيها دى

ع الاقل الواحد يعبر عن اللى جواه

مع ان الكلام لوحده مش كفاية برضه

لكن

الساكت عن الحق شسيطان اخرس

وادعوكى يا خلود لمشاهدة الخواطر الى انا كاتبها

اسمها العداد من غير أعداد

وربنا يجازيكم عنا الف خير

وربنا يستر

آمين

lionking
03-03-2009, 11:06 PM
والله انا عارفة اخرتها ايه


حد فاكر فيلم احنا بتوع الاتوبيس

هههههههههههههههههههههه


احنا هنقولها بس بشكل تانى بقى

((( احنا بتوع المنتدى يا اخوانا )))))))))

بس السؤال ؟؟؟؟؟


هل لسة فى مكان ورا الشمس ؟؟ ولا كامل العدد؟؟

استر يا رب

fagrmasr01
04-03-2009, 12:00 AM
لالالالالا

مكان ايه بس الى يتملى ده ؟؟؟؟

المكان ده خصوصا مش بيتملى ابدا

ولا عمره يكون كامل العدد

دا مكان مؤمن وأمان اوووى ..

تتعهد فيه الأجهزة المسئولة بمكان أمان مضموووون لكل مواطن

متخافيش حضرتك

عمره ما يبقى كامل العدد

وربنا يستررررررررر

تكرار حرف الراء ليس خوف لاسمح الله

دا بس من الاحساس بشدة البرد عند تخيل المكان الى بتتكلمى عنه

wael nour
23-04-2009, 04:03 PM
أنا مش عارف الناس بتشتكى ليه من الحكومة !!!؟؟؟؟

مش احنا إللى جبناها

مش احنا إللى انتخابنا الحزب الوطنى اللى دى حكومته ؟؟

وطبعا لو كنت ماإنتخبتش خالص وماكنش عندك بطاقة انتخابية من أصله

ده معناه انك موافق على أى حاجة تحصل ..... ليه بتشتكى دلوقت بقى!!!!:eek:

fagrmasr01
24-04-2009, 02:24 AM
اهلا بيك وائل نور
شكرا للمرور والمشاركة بالرد
لكن احب اقول لك انى مش موافق على رأيك دا
ناس كتير وأنا منهم معانا بطاقة انتخابية ورحنا قلنا رأينا اننا مش مع الوطنى وبنشارك فى كل انتخابات بروح وطنية وبنحب مصر
لكن الانتخابات عندنا مش بصناديق الاقتراع .. وده مش سر طبعا
كل الناس عارفاه وأغلب الناس بتشتكى منه

واحنا طبعا بنهزر
مين فينا يعنى يملك يغير قرار الحكومة واللا حد يؤثر فيه
احنا بس بنقول رأينا
احنا لينا حرية الرأى
والحكومة ليها حرية التنفيذ

و
ربنا يستر يا وائل نور
اكرر شكرى على مرورك واهتمامك بالتعليق