المساعد الشخصي الرقمي

مشاهدة النسخة كاملة : مدارس 6 اكتوبر



doaa el nahas
07-02-2009, 10:18 AM
ارجو مساعدتي في ايجاد مدرسه لغات او تجريبي في مدينه 6 اكتوبر لاولادي و هم في المرحله الابتدائيه حيث انني سوف انتقل للعيش هناك و ليس لدي اي معلومات عن المدارس في المدينه .. ارجو ارشادي لبعض المدارس علي ان تكون جيده المستوي العلمي و معقوله في المصاريف ليس مغالي فيها و شكرا جزيلا

محمد المصري
07-02-2009, 11:06 AM
السلام عليكم


اختى الغالية يمكنك
اولا اهلا بيكى معانا فى منتدانا منتدى مدينة 6 اكتوبر

ثانيا بخصوص استفسارك


الاتصال بمدرسة الرضوى
نبذة عن المدرسة



انشئت المدرسة الاولى فى عام 1989 على طريق المريوطية تابعة لادارة الهرم التعليمية و المدرسة الثانية عام 1995 بالحى السابع بمدينة 6 اكتوبر
و قام بالاشراف على بنائهما و تاسيسهما الدكتور / رجب ابراهيم حسين بدوى
الحاصل على الدكتوراة فى العلوم و التكنولوجيا و الذى شارك فى منشات تعليمية اخرى قبل هذا الصرح خارج مصر لمدرسة السلام الاهلية بسلطنة عمان , و يعتبر من اصحاب الخبرات التعليمية و لة باع طويل فى التعليم و قد تدرج فى المناصب التعليمية من معلم ثم ناظر فمدير مدرسة ثم مدير عام لمدارس الرضوى بالهرم و السادس من اكتوبر و قد حصل على شهادات تقديرية فى مجالات متعددة ابرزها حينما اختير كرائد من رواد التعليم فى مصر . ولاشك ان للسيدة حرمة الاستاذة /حورية احمد عبد الهادى رفيقة درب الكفاح طوال هذة السنوات باعتبارها تربوية و رائدة من رواد التعليم الخاص هذا كان لة اثر كبير فى نشأة و نبوغ المدرسة . و تقع مدرسة الرضوى الخاصة بالهرم 96 طريق المريوطية امام كوبرى منشية البكارى و تبلغ مساحتها 2600 م2 و بطاقة استعابية 950 طالب موزعين من الحضانة حتى الثالث الاعدادى بكثافة 34 تلميذ فى الصف الواحد و تتميز المدرسة بوجود حمام سباحة و حدائق و ملاعب بجانب معامل العلوم و الحاسب الالى و قاعة الاوساط التى يتابع فيها القنوات الفضائية و قاعات الانشطة المتعددة بجاتب مسرح المدرسة كما تقوم المدرسة بمعالجة الضعاف بالمجان و يخدم المدرسة عدد من السيارات لجميع المناطق التى تخدم طلاب المدرسة بدءا من خط القطار شرقا و حتى الطريق الصحراوى غربا .


بالنسبة الى الاسعار لا اعرف


ولاكن المستوى التعليمى جيد



عنوان المدرسة : مدينة السادس من أكتوبر- الحى السابع- المجاورة الاولى
أرقام التليفونات : 38354944/02
فاكس / 0238362362
elradwa@hotmail.com (elradwa@hotmail.com)

محمد المصري
07-02-2009, 11:33 AM
كما يمكنك اختى العزيزة الدخول الى هذة الصفحات


من هنا (http://www.gizaedu.gov.eg/asp/school_search/nelist.asp?x_DEPARTMENT=%C7%DF%CA%E6%C8%D1&z_DEPARTMENT=%3D)


من هنا (http://www.gizaedu.gov.eg/asp/school_search/nelist.asp?start=21)


من هنا (http://www.gizaedu.gov.eg/asp/school_search/nelist.asp?start=41)


من هنا (http://www.gizaedu.gov.eg/asp/school_search/nelist.asp?start=61)


من هنا (http://www.gizaedu.gov.eg/asp/school_search/nelist.asp?start=81)


من هنا (http://www.gizaedu.gov.eg/asp/school_search/nelist.asp?start=101)


من هنا (http://www.gizaedu.gov.eg/asp/school_search/nelist.asp?start=121)


من هنا (http://www.gizaedu.gov.eg/asp/school_search/nelist.asp?start=141)


يوجد بها بعض المدارس الخاصة والاهلية


وبها ارقام تليفونات وعنوان


كل مدرسة ونظام العمل بالمدرسة


وبعض المعلومات الاخرى


اتمنى ان اكون وفق فى افادتك


ووصولك الى ما تبحثين عنة

محمود التهامي
07-02-2009, 08:11 PM
انا بقا عن نفسي أرشحلك المدارس التجريبية بدل الخاصة

ونتائجها كل عام هي أكبر دليل على مستواها التعليمي الفائق مقارنة بباقي المدارس

بالإضافة لأسعارها المنخفضة جدا مقارنة بالمدارس الخاصة

وعلى رأسهم مدرسة النصر التجريبية بالحي المتميز ومبارك التجريبية بالحي السادس

fagrmasr01
07-02-2009, 10:40 PM
نظراً لأن الدين النصيحة
وبحكم احتكاكى بالتعليم سنوات طويلة كمهتم بالتعليم وعضو فريق تطوير جودة التعليم
أميل الى تأييد رأى أستاذنا نصــ الهوى ــل الذى يقول ان المدارس التجريبية مع قليل من الإهتمام فى البيت بشرط ان يكون احد الوالدين يجيد اللغة الانجليزية هو رأى ممتاز
مع طبعا التأكيد على ان المدارس التى ذكرها استاذنا - الأحباب - هى فعلا مدارس رائعة ومتميزة
لكن فعلا التجريبية مستواها متميز جداً
والله ولى التوفيق وهو القادر عليه
جمال

lionking
07-02-2009, 10:51 PM
بسم الله الرحمن الرحيم

طبعا كل الكلام اللى اتقال ده تمام

بس انا هتكلم من وجهة نظرى وتجربتى

اولا انت لو عايزة تجريبى يبقى النصر التجريبية او مبارك زى نصل الهوى ما قال

اما اذا كنتى زيى ومش مقتنعة بالمدارس التجريبية انا جربت 3 مدارس

اول واحدة (المصرية الرائدة للغات ) فى الحى السابع

ودى كانت كويسة لفترة قريبة اووى نظرا لظروف مرض المديرة (زينب الشاعر)
مصاريفها دلوقتى حوالى 6000

تانى مدرسة كانت (الدلتا ) فى المتميز ودى متعتبرش مدرسة مع العلم انها خاصة ولغات بس مستواها وحش جدااااااااا مع ان مصاريفها 3000


حاليا

انا اولادى ال 2 فى مدرسة( 6 اكتوبر القومية للغات) ودى مدرسة تتبع القوميات وطبعا دى مدارس معروفة

ولغاية دلوقتى اقدر اقولك انها تماااااااام وسعرها مناسب جداااااااااا

3000 مصاريف السنة دى

وبس خلاص

دى تجربتى انا

ولك حرية الاختياااااار

doaa el nahas
10-02-2009, 10:30 AM
اشكر لكم حسن تعاونكم و حسن النصيحه

haneen
12-03-2009, 12:01 AM
please lionking

عيزة اعرف يعني ايه مدرسة الاولاد تابعة للقوميات؟ ايه هيا القوميات؟

وهل المدارس التجريبية كفائتها تتساوى بالمدارس الخاصة؟
وهل بيتم تدريس اكتر من لغة في المدارس التجريبي ولا لغة واحدة بس؟

محمود التهامي
12-03-2009, 12:09 AM
وهل المدارس التجريبية كفائتها تتساوى بالمدارس الخاصة؟
وهل بيتم تدريس اكتر من لغة في المدارس التجريبي ولا لغة واحدة بس؟



اسمحيلي اجاوب على الأسئلة دي
المدارس التجريبية في المدينة هنا هي أفضل المدارس ودا من احصائيات الاوائل كل سنة لإن اغلبهم من مدارس التجريبية سواء العربي منها او اللغات

معرفش بصراحه فيها لغات اد ايه بس الأكيد انه فيها انجليزي وفرنسي

nona
22-03-2009, 06:25 PM
مشكورة جدا على هذة المعلومات بس عايز اعرف مكان المدرسة

محمد سعيد
23-03-2009, 03:39 PM
عايز اعرف معلومات عن مدرسة زهرة المدائن او اي مدرسة فيها تمهيدي ب 6 اكتوبر

fagrmasr01
24-03-2009, 10:48 AM
اخى الفاضل
بمكنك الدخول على الروابط التى وضعها المدير العام (( الأحباب ) وهى فى الصفحة الاولى من هذا الموضوع
وفى نفس الصفحة موجود آراء قيمة من واقع التجربة للأستاذ نصل الهوى والاخت ليون
اتمنى لك التوفيق فى الإختيار بإذن الله الكريم

محمد سعيد
25-03-2009, 03:54 PM
اشكرك على الرد والافادة شكرااااااااااااااا

أحمد صالح
06-04-2009, 11:23 PM
ممكن حد يقوللي عنوان مدرسة 6 اكتوبر القومية للغات والنصر التجريبية

muslium
10-04-2009, 11:45 AM
السلام عليكم ورحمة الله و بركاته

أنا برده بدور لأبنتى على مدرسه كويسه لأنى هنقل للرمايه و عايزه مدرسه تكون قريبه من هذه المنطقه يعنى اخر الهرم المريوطيه و ناس نصحونى ب 6 اكتوبر هى رايحه رابعه ابتدائى العام القادم ان شاء الله . و الله احترت كتير
بالنسبه للأخ الفاضل اللى ذكر مدارس الرضوى فى المريوطيه متهيألى ديه عربى مش لغات صح و لا معلوماتى غلط؟ أرجو الأفاده . فى ناس قالتلى عن المانر هاوس فى 6 أكتوبر بس انا معرفش عنها اى حاجه و اعتقد ان مصاريفها هتبقى مرتفعه أنا عاوزه حاجه معقوله فى حدود 3000 من غير الكتب و الباص و اليونيفورم

يا ريت متبخلوش على بأى معلومات
و جزاكم الله خيرا

ام عمر
16-04-2009, 02:37 PM
[/size][/font]يا جماعه اولا السلام عليكم ورحمه الله
انا عايزه اعرف تفاصيل عن مدارس تجريبيه فى الحى السادس او العاشر وتكون من تمهيدى الى اعدادى او ثانوى لان اللينكات اللى موجوده فى الموضوع هنا عن المدارس للاسف مش شغاله معايا خالص فلو سمحتم ساعدونى:)

fagrmasr01
16-04-2009, 05:40 PM
المدارس المصريه الرائده للغات
الحى السابع بالسادس من اكتوبر, الجيزة
الهاتف :38351335 - 02 38351318
مدارس جيل 2000 للغات
ميدان الحصرى
السادس من اكتوبر, الجيزة
الهاتف:
02 38361342 - 02 38361107 - 02 38361108




مدارس رويال انترناشيونال للغات


الحى الرابع

السادس من اكتوبر, الجيزة





الهاتف:
02 38346740





مدارس سقاره للغات


5ش عبد الظاهر

الهرم, الجيزة




الهاتف:
02 33850279 - 02 33832449


مدارس طيبه الدوليه


10ش عبد الخالق ثروت

السادس من اكتوبر, الجيزة




الهاتف:
02 38357430 - 02 38352662

سيرامكس جروب
17-04-2009, 10:04 AM
[السلام عليكم ورحمة الله وبركاتة

من أفضل المدارس في مدينة السادس من اكتوبر وعن تجربة مع اولادي هي مدرسة ام المؤمنيين ( عربي - لغات )
الحي الثاني - مج الرابعه ت : 38363737
مع التعليم يوجد اهتمام ديني

سيرامكس جروب
17-04-2009, 10:12 AM
عايز اعرف معلومات عن مدرسة زهرة المدائن او اي مدرسة فيها تمهيدي ب 6 اكتوبر

السلام عليكم وحمة الله وبركاتة
سيدي الفاضل مدرسة ام المؤمنيين الخاصة يوجد بها اهتمام عالي جدا بالمراحل الاولى من التعليم
تمهيدي - kg1- kg2

سيرامكس جروب
17-04-2009, 10:14 AM
ممكن حد يقوللي عنوان مدرسة 6 اكتوبر القومية للغات والنصر التجريبية
السلام عليكم ورحمة الله وبركاته
مدرسة النصر التجريبية في الحي المتميز وبعد بنك مصر

peter sam
19-04-2009, 07:33 PM
[QUOTE=muslium;12112]السلام عليكم ورحمة الله و بركاته


يا ريت يا جماعه عاوز اعرف انا بنتى فى المدرسه المصريه الدوليه وعاوز انقل مدرسه تجريبى فى اكتوبر هل ينفع من لغات الى تجريبى ولا لا

وشكرا ليكم جداا

karam okasha moh
22-04-2009, 04:26 PM
ارجو مساعدتي في ايجاد مدرسه لغات او تجريبي في مدينه 6 اكتوبر لاولادي و هم في المرحله الابتدائيه حيث انني سوف انتقل للعيش هناك و ليس لدي اي معلومات عن المدارس في المدينه .. ارجو ارشادي لبعض المدارس علي ان تكون جيده المستوي العلمي و معقوله في المصاريف ليس مغالي فيها و شكرا جزيلا

انا رحت انهارده مدرسه 6 اكتوبر القوميه لغات
و جايبلكم كل التفاصيل المكان وازاى تروحو ومعامله الناس هناك والفلوس وكل حاجه

اولا المكان لانى عارف ان مفيش حد هليلاقى عنها حاجه لافى النت ولا دليل التليفون

وانا طلع عينى تدوير و سوال لحد الحمد لله ما لقيت على goegle earth نقطه فى الصحراء
ممكن تروح عن طريق المحور بين ميدان جهينه فى اتجاه هايبر هاتلاقى دخله الى مدينه مبارك للتعليم او first hights
وده اسهل طريق وممكن عن طريق دريم بعد مدينه دريم فى اتجاه اكتوبر هاتلاقى يافطه عليها مدينه مبارك للتعليم
هاتدخل يمين وهاتلاقى منزل كانه نهايه العالم انزل ماتخافش هاتلاقى مدينه مبارك
المدرسه قدامها علطول

karam okasha moh
22-04-2009, 04:34 PM
ثانيا
المدرسه تابعه للقوميات ودى هيئه محترمه وتربويه زى ما عرفت
ليهم 42 مدرسه على مستوى الجمهوريه منها الليسيه برضو زى ما عرفت منهم

المكان نضيف جدا والناس ودوده و مرحبه والمكان لسا جديد دى تانى سنه ليهم

وليهم باصات ودى اهم حاجه

بالنسبه للفلوس ال kg1
3300~ مصاريف
300 كتب
300 لبس
1700 باص

وكل الارقام دى تقريبيه
عالعموم انا اتوكلت على الله وقدمت لابنى ونجح فى الinterview وعلى بركه الله

دعواتكم ويا رب اكون افدتكم

fagrmasr01
22-04-2009, 05:07 PM
ألف مبروك لإبنك أولاً
وشكرا جزيلاً على التعاون اللى نتمنى يدوم بين جميع أعضاء منتدانا بإذن الله
جزاك الله خير الجزاء
آمين
اخوك جمال (فجر مصر)

lionking
22-04-2009, 06:44 PM
ثانيا
المدرسه تابعه للقوميات ودى هيئه محترمه وتربويه زى ما عرفت
ليهم 42 مدرسه على مستوى الجمهوريه منها الليسيه برضو زى ما عرفت منهم

المكان نضيف جدا والناس ودوده و مرحبه والمكان لسا جديد دى تانى سنه ليهم

وليهم باصات ودى اهم حاجه

بالنسبه للفلوس ال kg1
3300~ مصاريف




وكل الارقام دى تقريبيه
عالعموم انا اتوكلت على الله وقدمت لابنى ونجح فى الinterview وعلى بركه الله

دعواتكم ويا رب اكون افدتكم


انا رحت انهارده مدرسه 6 اكتوبر القوميه لغات
و جايبلكم كل التفاصيل المكان وازاى تروحو ومعامله الناس هناك والفلوس وكل حاجه

اولا المكان لانى عارف ان مفيش حد هليلاقى عنها حاجه لافى النت ولا دليل التليفون

وانا طلع عينى تدوير و سوال لحد الحمد لله ما لقيت على goegle earth نقطه فى الصحراء
ممكن تروح عن طريق المحور بين ميدان جهينه فى اتجاه هايبر هاتلاقى دخله الى مدينه مبارك للتعليم او first hights
وده اسهل طريق وممكن عن طريق دريم بعد مدينه دريم فى اتجاه اكتوبر هاتلاقى يافطه عليها مدينه مبارك للتعليم
هاتدخل يمين وهاتلاقى منزل كانه نهايه العالم انزل ماتخافش هاتلاقى مدينه مبارك
المدرسه قدامها علطول


حمد الله على سلامتك انك وصلت للمدرسة

على فكرة انا اولادى فى المدرسة دى
الصف الثانى والخامس الابتدائ


عايزة اضيف حاجة كمان

المدرسة بجد روعة وممتازة وبتحاول تطور من نفسها وكان فى تقيييم من ادارة المعاهد القومية من حوالى 3 اسابيع والولاد كانوا تحفة مع العلم انها اول سنة تشتغل السنة دى

حاجة كمان

مهتمين جدااا باللغة وصدر قرار فى المدرسة ( داخلى يعنى) ان مدرسين اللغة العربية والدين هما اللى مسموحلهم يتكلموا عربى مع الولاد غير كده ممنوع
وانا شايفة ان ده كويس جداا ( امال احنا مدخلين لغات ليه)
وطبعا بيخرونا بين لغتين المانى وفرنسى

والحمد لله اخترنا المانى وانا معرفش فى اى حاجة بس المدرسة مش مخليانا محتاجين حتى نسال والولاد بيرجعوا فاهمين وتمام التمام
بالنسبة للمقارنة بين المدراس الخاصة والتجريبية

انا شايفة ان المقارنة مش فى صالح التجريبيات خالص اللهم فى المصاريف وبس

المدرسة الخاصة ذات المصاريف المعقولة بتشتغل جامد جدا واللغة فيها ممتازة ولازم المدرس يكون خريج لغات وبيخاف على اكل عيشه انما التجريبى مدرس عادى مع احترامى للمدرسين كلهم لكن مش بيشتغل بضمير ولا حتى فى احترام لادمية الاطفال
ولا فى اهتمام بالنواحى الجمالية والفنية ولا اى حاجة
والكلام ده بناءا على تجربة اقارب لينا ابنائهم فى التجريبية
فى نفس اعمار اولادى
الحمد لله اولادى يقدروا يقراوا اى حاجة سواء انجليزى او عربى لكن التانين للاسف لأ

ارجوا انى اكون وصلت المعلومة

avalanshoon
26-04-2009, 01:04 PM
الاخ كرم عكاشة
ممكن لو سمحت ارقام تليفونات مدرسة 6 اكتوبر القومية
وشكرا جزيلا

ام مريم
27-04-2009, 02:01 PM
الرجاء ارسال نمر مدرسه 6 اكتوبر القوميه لانى اريد التحويل لابنى من مدرسته الحاليه و اقتراح المدارس الجيده فى 6 اكتوبر سواءلغات او تجريبى ارجوا الرد العاجل ووضع ما امكن من معلومات عن المدارس دون روابط

lionking
27-04-2009, 02:12 PM
الرجاء ارسال نمر مدرسه 6 اكتوبر القوميه لانى اريد التحويل لابنى من مدرسته الحاليه و اقتراح المدارس الجيده فى 6 اكتوبر سواءلغات او تجريبى ارجوا الرد العاجل ووضع ما امكن من معلومات عن المدارس دون روابط

السلام عليكم ام مريم

انا من اولياء امور مدرسة القومية

للاسف لسة المدرسة ملهاش ارقام تليفونات

يعنى لازم تروحى للمدرسة نفسها

وهيا موجوده امام مدينة مبارك التعليمية

بالنسبة للمدرسة مصاريفها موجوده فى نفس الموضوع بس فوق شوية

ولو قرأتى الموضوع هتلاقى مدارس كتير موجوده

لكن بما انى ام وولية امر

اقولك انك لازم تلفى ع المدارس وتشوفى بعينك ولا تكتفى بالنت او التليفونات

وانا افضل انك تروحى فى اثناء يوم دراسى عادى

بتبان المدارس على حقيقتها فى الايام دى

يعنى مش تروحى حفلة مدرسة كذا او يوم فى مدرسة كذا

الأماتة
28-04-2009, 05:26 PM
سم الله الرحمن الرحيم
أنل عضو جديد بينكم أرجو ان تقبلوني وإن شاء الله ألبيلكم إحتياجاتكم :p:p:p






مع جزيل شكري :p:p:p (أذروني لا أستطيع أن أقول إسمي) :p:p:p

عمرعمر
30-04-2009, 05:34 AM
الاخ نصل الهوى بشوف ان انتا ما شاء الله عضو نشط في المنتدى ساعي لخدمة الاخرين
فهل ممكن تخدمني بردك على سؤالي
انا حاجز شقة في مدينة المحامين ومقيم بالخارج فهل ممكن تسأل المشروع خلص ولا لسه وهنستلم امتى وجزاك الله كل خير

setokm_h
04-05-2009, 07:30 AM
السلام عليكم ورحمة اله وبركاتة
انا عضو جديد فى المنتدى ده ومدخلتوش لا علشان موضوع المدارس فى اكتوبر
وهى نفس القصة انى بدخل بنتى المدرسة لاول مرة kg1
وطبعا محتاسه جدا جدا مش عارفه ادخلها اه ومين المدارس الكويسه الموجوده
وجازاكم الله كل الخير عن المعلومات اللى موجوده بخصوص مدرسة القومية
لكن هل فى حد يعرف حاجة عن مدرسة الحصرى الازهرى للغات و جيل 2000
لانهم قريبين من بيتى ونظام التعليم والمدرسين فيهم ومصارفهم عامله اه
وفى سؤال مهم جداجدا
مواعيد التقديم فى المدارس بيبداء من شهر 5 ولا قبل كده ولا بعد كده ؟
لان فى ناس كتير بيقلولى انى متاخره لانى الى الان مشفتش مدرسة
وشكرا للجميع

avalanshoon
04-05-2009, 04:25 PM
السلام عليكم ورحمة اله وبركاتة
انا عضو جديد فى المنتدى ده ومدخلتوش لا علشان موضوع المدارس فى اكتوبر
وهى نفس القصة انى بدخل بنتى المدرسة لاول مرة kg1
وطبعا محتاسه جدا جدا مش عارفه ادخلها اه ومين المدارس الكويسه الموجوده
وجازاكم الله كل الخير عن المعلومات اللى موجوده بخصوص مدرسة القومية
لكن هل فى حد يعرف حاجة عن مدرسة الحصرى الازهرى للغات و جيل 2000
لانهم قريبين من بيتى ونظام التعليم والمدرسين فيهم ومصارفهم عامله اه
وفى سؤال مهم جداجدا
مواعيد التقديم فى المدارس بيبداء من شهر 5 ولا قبل كده ولا بعد كده ؟
لان فى ناس كتير بيقلولى انى متاخره لانى الى الان مشفتش مدرسة
وشكرا للجميع

مدرسة الحصري وجيل 2000 مصاريفهم اكثر من 5000 جم غير الباص اللي في حدود 1300 جم
اما عن التقديم فبدأ منذ فترة ويستحسن الاسراع في التقديم

mamet jana
09-05-2009, 01:23 PM
السلام عليكم يا جماعة انا ابني محتاجة اقدملة السنة دي
طيب ممكن حد يدلني لما ادخل المدرسة اسأل علي اية وابص علي اية واخد بالي منة علشان اعرف اذا كانت كويسة ولا لأ

انا بصراحة ناوية علي مدرسة ام المؤمنين
فلو حد مدخل اولادة ممكن يفيدني هي فعلا بتهتم بالدين طيب بالنسبة للغات اخبارها اية يعني يا تري بيخدوا لغة تانية ومن امتي؟

انا نازلة بكرة ان شاء الله يجزيكم الله خير لو حد رد عية النهاردة ان شاء الله :storm_9851674069753:storm_9851674069753

Mohamed Elsayed Barakat
11-05-2009, 12:17 AM
ياريت تروحى المدرسة القومية كمان وتقوللى اية رايك عشان انا عايزة اقدم لبنتى فيها
:362932531:

Mohamed Elsayed Barakat
11-05-2009, 01:28 AM
[[/u][/i][/b][/b]يا جماعة يا ريت حد يفدنى المدرسة الصينية احسن ولا القومية

mamet jana
13-05-2009, 06:21 PM
ا/ محمد المدرسة القومية بالأجماع تحفة وكمان الي جراني شافوة انة بتبني فية حمام سباحة والاسعار معقولة 3700 السنة دي كجي وان والباص لحد زايد 1350 جنية والبس والكتب حدود 600
وشكرا :storm_9851674069753

mamet jana
16-05-2009, 05:47 PM
يا جماعة بجد انا اتصدمت لما رحت مدرسة القومية المدرسين اسلوبهم مع بعض في الكلام مش كويس خالص تحس انك قاعد مع ناس من الشارع مفيش احترام ان في اولياء امور موجودين وتحس انك في سوق من كتر الناس اللي داخلة وخارجة بجد مدرسة القاهرة للغات اللي جنب خير زمان احسن الف مرة كفاية بشاشة المدرسين اللي هناك ونضافة المديرة ورقيها بجد روعة
ونفس المصاريف
وكمان بيدرسوا 3 لغات اساسي انجليزي وفرنساوي والماني مش زي القومية بيخيروكي لفرنساوي او الماني
بأكد تاني 3 لغات من Primeray one من KG1 بياخدا فرنساوي وانجليزي اساسي

:50 (30):

Mohamed Elsayed Barakat
17-05-2009, 12:24 AM
يا mamet انت حيرتينى ممكن يكون اليوم الى روحتى فية كان فية مشكلة لكن لازم تحكمى على المدرسة بناس اولادهم فى المدرسة فيا ريت كل الى اولادهم فى المدرسة القومية يفيدونا وكمان الى اولادهم فى المدرسة الصينية:1 (9):

دعا
17-05-2009, 03:10 PM
مساء الخير انا مشاركة جديدة
ممكن اساءل عن المدرسة القومية فين بالضبط عشان اروح اشوفها بكرة ان شاء الله
عاوزة انقل بنتى فيها على كجى2 هى فى الجيل 2000 بس مستوى الاهتمام فيها وحش

دعا
17-05-2009, 03:18 PM
ممكن اعرف مكان مدرسة القومية عشان انزل اشوفها بكرة

دعا
17-05-2009, 03:35 PM
عاوزة انقل بنتى من الجيل 2000 للقومية وهاروح اشوفها بكرة ان شاء الله

دعا
17-05-2009, 03:49 PM
fghjjserty
عاوزة انقل بنتى من الجيل 2000 للقومية وهاروح اشوفها بكرة ان شاء الله

muslium
18-05-2009, 04:46 PM
يا دعا مدرسة القوميه موجوده بجانب مدينة مبارك كول العلميه اسألى عناه و هتلاقى الناس عرفاها ان شاء الله

fosfos010
19-05-2009, 11:51 AM
انا بشكركم شكرا جزيلا وفرحانه ان فى منتدى لمدينة 6 اكتوبر انا لفيت على كل المدارس تقريبا الى فى اكتوبر عشان بنتى وفعلا شكرولى فى النصر ومدينة مبارك لتنمية مهارات الطفل ودى تجريبى بس kg1 kg2 بس وبعد كده يتنقل الطفل لمدرسه تجريبيه عادية وهنا المشكلة المدرسه دى نضيفه جدااااااااااااااااااااااااااااااااااااااااااا رخام السلالم والحمامات رائعه والدادات والمدرسات عظيمة بس الصدمة الى بياخدها الطفل لما يروح مدرسه تجريبى بعد كده بتبقى صعبه لفرق المستوى فى النضافه دى بالنسبه للمدرسه دى اما عن مدرسة زهرة المدائن انا كنت هدخل بنتى فيها بس للاسف جتلى منها شكاوى كتير بعدم المصداقيه للمديرة والمدرسات مع العلم ان المدرسه نضيفه بس كمان مستواها التعليمى متدنى يعنى الاطفال بيطلعو من كي جي انا سئلت اطفال هناك مش عرفين يعنى ايه انجليزى ومش عرفين يعنى ايه حساب بنسئل اسمك ايه بالانجليزى مش عرفين يردو انا عن نفسى ماعجبنيش المستوى التعليمى فيها وانا ان شاء الله هدخل بنتى المدرسه القوميه لغات ادام مدينة مبارك التعليميه عند الاستاذ محمد صديق مدير المدرسه وده رقم الموبيل بتاعه0123412343 يستفسر عن اى حاجه فيها على فكرة عند سحب الملف من المدرسه بيتم دفع 1050 جنيه من المصاريف كحجز مكان للطفل وده فى حالة اجتياز الطفل للانتر فيو يعنى دفعه من المصاريف والباقى بتاع المصاريف بيدفع فى شهر 7 ومفيش نظام تقسيط لان المدرسه تحت الانشاء ممكن بعد كده يبقى فى تقسيط وده كل الى عرفته عن المدرسه ويارب اكون ادرت افيدكو مع تمنياتى الخير للجميع

mamet jana
19-05-2009, 01:28 PM
يا ريت لما تروحي تقوللنا اية اخبار المدرسة هناك لأني اتصدمت من شكل المدرسين ومستواهم تحسي انك داخلة مصلحة حكومية ( شكل المدرسين صعب جدا) \
\
أنا شخصيا معجبتنيش ممكن تشوفي مدرسة القاهرة للغات جنب خير زمان بجد كويسة جدا انا قدمت لأبني فيها والحمد لله قبل

أبو هلال
19-05-2009, 08:18 PM
يا ريت لما تروحي تقوللنا اية اخبار المدرسة هناك لأني اتصدمت من شكل المدرسين ومستواهم تحسي انك داخلة مصلحة حكومية ( شكل المدرسين صعب جدا) \
\
أنا شخصيا معجبتنيش ممكن تشوفي مدرسة القاهرة للغات جنب خير زمان بجد كويسة جدا انا قدمت لأبني فيها والحمد لله قبل


لو سمحتم كام المصاريف بتاعت مدرسه القاهرة للغات

mino
20-05-2009, 12:32 PM
السلام عليكم
انا سعيدة جدا بالمنتدى لانه همزة وصل بين سكان المدينة وكمان من خلاله هنقدر نفيد بعض ان شاء الله
ياريت لو حد مدخل اولاده مدرسة رويال الدولية بالحى الرابع يقولى معلومات عنها
انا بالفعل زرت المدرسة وعجبتنى جدا لكن الحقيقة ما قابلتش اى حد من اوالياء الامور لان اللى يهمنى اكتر المستوى الدراسى والاخلاقى
ياريت تفيدونى وليكم جزيل الشكر

mamet jana
21-05-2009, 01:11 PM
مصاريف مدرسة القاهرة للغات 3700 + باص 1600 للشيخ زايد لو اكتوبر اعتقد 1400او 1500 هي اغلي حاجة بسيطة من القومية بس نضيفة جدا وشكل المدرسين يشرح القلب انا بروح كتير وفي اوقات متفرقة علشان اعرف ابني هيتعامل مع مين بجد شوف شكل التلاميذ ونضافة المدرسة والمدرسين بجد حلوة زائد انها بدرس 3 لغات غير القومية بتدي لغتين اتنين بس جنب العربي

haneen
22-05-2009, 02:51 PM
السلام عليكم
i agree with u mamet jana about Royal International cuz i'm an teacher of english there..
رويال مستواها عالي بجد ستاف الانجليش هناك بيبذل مجهود غير عادي مع الاولاد
مستوى الاولاد في اللغات عندنا ممتاز جدا
احيانا بيكون المجهود متعب على الولاد واولياء الامور بس العبرة بالنتيجة وفي الاخر بنلاقي شكر جامد من parents
ما شاء الله السنة دي انا ملاحظة كم الولاد الا بيقدموا في المدرسة كتير جدا وكتير منهم محولين من مدارس تانية
اكيد ده مش من فراغ لكن من سمعة المدرسة الطيبة وكمان بسبب ادارة المدرسة الايجابية والمتعاونة لابعد حد
والله الموفق

salma mohamed
22-05-2009, 06:42 PM
انا خلاص يا جماهه هاقدم لبنتى فى المدرسه القوميه للغات

mamet jana
23-05-2009, 04:59 PM
طيب يا سلمي راجعي نفسك تاني والله انا لما رحت خفت من اسلوب المدرسين الرجالة ( الراحل قاعد بيشتم ويقول اصل دي مدرسة dirty( بالعربي كدة وشكل المدرسين صعب جدا من حيث مستواهم حاسة انها مصلحة حكومية مش مدرسة لغات والله اعلم طبعا

ارجوكي اتاكدي تاني وشوفي اخبارهم اية

salma mohamed
25-05-2009, 07:19 PM
على فكرة انا عندى جارة نقلت ابنها من مدرسة القاهرة للغات وكانت بتشتكى منهم جدا لكن يا ريت تقراى الكلام الى اتقال على القومية محدش قال ابد انها سيءة

قمارا
27-05-2009, 06:34 PM
يا جماعه والله حرام انا خلاص بجد احترت ولادي في جيل 2000 وعاوزه احولهم وتعبت بجد من التشتت ناس تشكر جدا في مدرسه وناس تانيه تزم وانا في النص مش عارفه اعمل ايه
ياريت لو حد ولاده في المرحله الابتدائيه ومرتاح في مدرسه معينه يساعدني ارجوكم
انا رحت سألت في مدرسة القومية بس مش عارفه مرتحتش ليها مع ان كان يوم سبت ومكنش في حد هناك
ارجوكم ساعدوني علشان انا محتاره
وياريت لو حد سمع عن مدرسة اكتوبر الجديدة للغات يئوللي

fosfos010
31-05-2009, 09:14 AM
بالنسبة امدرسه اكتوبر الجديدة لغات دى موجودة فى الصفوة ادام زايد 2000 وليها رقم تليفون 38860310او 11 ودى مصرفها 8700 بالباص والكتب من غير يونى فورم وبتاخد من عمر 4 سنين لغات ده كل الى اعرفه عنها وربنا يوفق الجميع

قمارا
01-06-2009, 03:46 PM
مش معئول يا جماعه يعني محدش ولاده في مدرسه كويسه وممكن يفيدنا ويساعدنا؟؟

abdelfattah aly
01-06-2009, 04:17 PM
الازمة في مصر عموما ان المدرسة ممكن تكون كويسة السنه دي بس بكرة تكون سيئة بسبب حركة تنقلات ادارة المدرسة ، وهذا شئ محير للغاية ، فقد وقعت في هذا المطب ولم استطع الخروج منه منذ اربع سنوات ، عندما انتقلت مديرة مدرسة النصر التجريبة الى مدرسة نهضة مصر ، وقتها انتقلت الى اكتوبر فادخلت ابني مدرسة نهضة مصر ، وفي هذه السنة نجح دبرجة متوسطة تعكس مستواه ، لكن ما ان انتقلت المديرة وعادت الة مدرسة النصر مرة اخرى انهارت المدرسة تماما وحصل ابني على دور ثاني في كل عام لأن التعليم بها تحول الى سبوبة ، الان النصر هي الافضل لأن المديرة هناك محترفة ومحترمة ، لكني سألت على درسة خاصة عربي جيدة فقال لي احد المدرسين المحترمين ان أحسن مدرسة خاصة في اكتوبر هي مدرسة ام المؤمنين في الحي الثاني بالقرب من طريق رنا مول الفاصل بين الحي الثاني والثالث ، لكنها مدرسة عربي فقط وان كان لديها ميزة هائلة وهي انها تدرس منهج المستوى الرفيع ( الانجليزي) لطلبة الابتدائي فقط بجوار المنهج العربي.

قمارا
01-06-2009, 06:41 PM
فعلا ام المؤمنين مدرسه ممتازه لكن للاسف هي عربي فقط
بنت صديقتي فيها وصديقتي بتشكر فيها جدا

omer
01-06-2009, 07:52 PM
السلام عليكم
رايى المتواضع ان المدارس كلها شبه بعضها ياريت تختارى الاقرب والارخص وتهتمى بتنمية المهارات والميول وربنا يوفقك
عمر

اheba hassan
01-06-2009, 07:56 PM
اريد عناوين المدارس التجريبيه او المستقبل فى مدينة السادس من اكتوبر

abdelfattah aly
02-06-2009, 02:13 PM
في اكتوبر بس خمس مدارس تجريبي احسنهم النصر للغات وتقع خلف بنك التعمير في الحي المتميز وبجوارها نهضة مصر للغات وتع خلف مدرسة طيبة الخاصة للغات وهي سيئة للغاية ومدرسة الطلائع وتقع في الحي الخامس بجوار وحدة المرور والجوازات ومدرسة مبارك للغات وتقع بالحي السادس والمدرسة الصينية وتقع في الحي الـ 11 خلف سنتر المصطفى وسط عمارات البنك وهي احدث مدرسة لأنها فتحت بعد بداية العام الدراسي الحالي بشهر تقريبا والمبنى رائع وجميل لكنها قبلت فقط حتى سنة رابعة فقط ما اعرفش هل ستقبل بقية السنوات العام الجديد ام لا هذه هي مدارس اكتوبر اما مدارس الشيخ زايد فبها مدرستين قريبتين من بعض خلف الهايبر لكن ما انا واثق منها هي مدرسة الشيخ زايد الاولى وهي رائعة للغاية من حيث المبنى والمدرسين والمديرة أيضا.
ولو حد محتاج تفاصيل تانية انا تحت الامر

فاتن سيف نور
02-06-2009, 04:06 PM
شكرا جدا على هذة المعلومات بس عايزة اعرف أنا كمان
مكان مدرسة 6 اكتوبر القومية للغات

قمارا
03-06-2009, 01:26 AM
عبد الفتاح بعد ازنك ممكن تتكلم اكتر عن مدرسة الشيخ زايد
يعني هي لغات وخاص ولا تجريبي
ومستواها ايه
ارجو الرد السريع

قمارا
03-06-2009, 01:27 AM
فاتن مدرسة القوميه على طريق الهايبر بتدخوليلها من نفس الداخله بتاعة مدارس مبارك التجريبية

abdelfattah aly
03-06-2009, 04:23 PM
مساء الخير قمارا مدارس الشيخ زايد التجريبية للغات زي ما قلتلك اتنين بس وهما كانوا تلاتة بس قلبوا واحدة فيهم عربي، ونصيحة انك تروحي مدرسة الشيخ زايد التجريبية للغات الاولى وتشوفييها لأنها ألافضل بعد النصر للغات في المتميز ، المدرسة بجد تعتبر نموذج لأي مدرسة محترمة تتمني يكون فيها ابنك ، وكل المميزات اللي فيها بالمقارنة ببقية التجريبيات الحكومية ، لكن هي كمان أفضل من مدارس خاصة كتير ، وعندهم كمان قسم رياض الاطفال مستواه عال جدا ومكان معزول عن بقية الفصول ، وفيها ميزة أظن انها رائعة ان فيها مرحلة ثانوي ، يعني الطالب مش ح يطلع منها الا على الجامعة ان شاء الله ، ولما تروحيها ح تلاقي المبنى نفسه مصمم بطريقة مختلفة جدا عن بقية المدارس الخاصة والحكومية، وعندهم مديرة محترمة جدا اا مش عارف اسمها بس انا قابلتها اكتر من مرة ، بتعرف تعامل الناس كويس وبتعامل الطلبة باحترام وأولياء امورهم

abdelfattah aly
03-06-2009, 04:26 PM
وعلى فكرة انا مش برتاح للمدارس القومية لأنها بصراحة تجربة كانت ناجحة لكن مع مرور الوقت فشلت لأنها لم تحافظ سوى على أسوء ما في الخاصة وهي المصاريف المرتفعة والبعد عن الرقابة التعليمية واسوء ما في الحكومية ان بها فساد ضخم جدا وكفاية ان رئيس المدارس واحد اسمه ناجي الشهابي عضو مجلس شورى مش كويس وسمعته تخليكي تجري وتهربي بعيالك منه

قمارا
04-06-2009, 03:29 AM
شكرا يا عبد الفتاح دوشتك معايا
المشكله ان انا ولادي في خاص مش عارفه هينفع احولهم هناك ولا ايه على العموم ان شاء الله هروح واحاول وربنا ييسر الامور
طيب انت عندك فكره عن المدارس الخاصه
وخصوصا مدرسة ايليت اللي هي اسمها دلوئتي سيتي اللي في المتميز
ناس بتشكر فيها وناس تانيه بتزم
وانا بصراحه احترت وتعبت من اللف

abdelfattah aly
04-06-2009, 05:06 PM
ما عنديش فكرة عن المدارس الخاصة ، لكن لو ولادك في مدارس لغات خاصة فمن حقهم التحويل لتجريبي ، لكني لا أنصح بذلك الا لو الظروف المالية لا تسمح بالاستمرار لأن الاولاد سوف يصابون بصدمة ليست سهلة على الاطلاق ، فاذا كان ولا بد فانصح بالنصر التجريبية للغات أو الشيخ زايد التجريبية للغات الاولى ، لكن بشرط ان تجهزيهم نفسيا للفرق بين الخاصة والحكومية حتى ولو كانت تجريبي لغات لأن المسالة ستكون عنيفة نفسيا على الاولاد ، اما مدرسة ايليت الخاصة للغات فقد شاهدت منظرا لطلبتها أعجبني جدا ، ففي وقت الامتحانات وفي عز التهريج والهرجلة امام المدارس المحيطة ، وجدت طلبة ايليت يهبطون من الاتوبيسات بنظام ويدخلون المدرسة بهدوء شديد وفي يد كل طالب وطالبة كتاب او مذكرة ، هذا فقط ما اعرفه عن مدرسة ايليت التي اصبحت سيتي

قمارا
04-06-2009, 05:16 PM
شكرا يا عبد الفتاح جزاك الله خيرا

قمارا
04-06-2009, 05:18 PM
يا جماعه لو سمحتم لو حد يعرف حاجه عن مدرسة سيتي يئولي

EMAM2025
05-06-2009, 02:22 PM
يوجد المدرسة الصينية و هى جيدة المستوى
توجد فى الحى 11 بجوار ستر المصطفى

قمارا
05-06-2009, 03:50 PM
انا سألت في المدرسه الصينية التحويل شهر 7 والاولوية للطلاب من تجريبي الخاص صعب كتير يتئبلوا

tota a
05-06-2009, 08:01 PM
انا نفسى اعرف مصاريف الحضانه ممكن تقبل سن 5.4شهور للصف الاول الابتدائى

tota a
05-06-2009, 08:06 PM
حد يقولى على مصاريف مدرسة الشيخ زايد للغات ازاى وبتقبل سن كام

tota a
06-06-2009, 05:04 PM
انا عضو جديد مش عارفه القى الرد على موضوعى والنبى ضرورى لان بنتى خلاص هاتدخل الحضانه ونفسى اقدملها فى مدرسه كويسه وتكون لحد المرحله الثانويه ضرورى واعرف مصاريف المدرسه وهى بتكون لغه واحده ولا اتنين غير العربى

tota a
06-06-2009, 05:12 PM
وياريت تكون المدرسه فى الشيخ زايد

ابو كريف
06-06-2009, 06:06 PM
مشكووووووووووووووووووووووووووووووووووووووووور

mino
07-06-2009, 12:17 PM
والله يا جماعة هى فعلا حاجة محيرة جدا مفيش ابداً اتفاق على مدرسة واحدة
بس عموماً اللى ممكن يعجبنى ممكن مش يعجب حد تانى والعكس صحيح
فالافضل ان اللى عايز مدرسة معينة يروح بنفسه ويتفرج على المدرسة ويسأل عن كل شىء
وياريت يكون ده فى يوم دراسى عادى عشان يشوف الامور على طبيعتها
والافضل فعلاً انه يحاول يسأل حد من اولياء الامور المتواجدين بالمدرسة
وربنا الموفق

mamet jana
07-06-2009, 10:42 PM
طيب يا سلمي ممكن تقوليلي لو سمحت هي نقلت ابنها لية يعني اية اللي معجبهاش بالظبط في المدرسة خاصة اني رحت 3 مرات وكل مرة الاقي في اهتمام ومدرسيم واداريين يقعدوا ويتكلموا معاكي بالنسبة للقومية انا مستريحتش خالص لاسلوب المدرسين ولا شكلهم التعليم مش عاجبها المدرسين مش بتشرح ولا اية فيها بالضبط اللي حالاها تنقل

ارجوكي ساعديني لاني قدمت خلاص بس المدرسة القومية اتصلوا بيا تاني علشان اعمل انترفيو لابني واقدم

muslium
08-06-2009, 02:15 AM
السلام عليكم

هو ايه يا جماعه موضوع المدرسه الصينيه ده؟

يعنى ايه مدرسه صينيه و منهجها ايه و بكام و بالأنجليزى و لا الصينى :)

و مستواها ايه؟

salma mohamed
08-06-2009, 08:23 PM
يا مامت جنى اناخلاص بنتى عملت اللانترفيو فى القومية وبالنسبة للقاهرة للغات انا مش عارفة الاسباب بالظبط لكن مفيش اى حد الا وشكر جدا جدا فى القومية واقراى من اول موضوع المدارس فى المنتدى

قمارا
08-06-2009, 09:31 PM
على فكره مامة جنى على حق
مدرسة القوميه فيها فساد في الادارة
وتئدري تتأكدي لما تدخلي الموقع ده
http://209.85.229.132/search?q=cache:ovuATgZ5XQUJ:www.akhbarelyom.org.eg/akhersaa/issues/3875/0600.html+%D9%85%D8%AF%D8%B1%D8%B3%D8%A9+%D8%A7%D9 %84%D9%82%D9%88%D9%85%D9%8A%D8%A9+6+%D8%A7%D9%83%D 8%AA%D9%88%D8%A8%D8%B1&cd=27&hl=ar&ct=clnk&gl=eg

قمارا
08-06-2009, 09:34 PM
انا بوجه كلامي لسلمى

قمارا
08-06-2009, 09:36 PM
اما بالنسبة لمامة جنى فانا وصلت للكلام ده من على النت من الفيس بوك عن مدرسة القاهرة للغات
اتفضلي الرابط
http://www.facebook.com/topic.php?uid=89629976704&topic=8209

قمارا
08-06-2009, 09:37 PM
ياريت يا جماعه اي حد ممكن يساعدني الائي مدربة محادثة لغه انجليزيه لأولادي يبئه جزاه الله عني كل الخير

قمارا
08-06-2009, 09:42 PM
ودي يا جماعه معلومات عن مدرسة مصطفى كامل التجريبية
اتفضلوا الرابط
http://www.omraneya.net/node/70247

قمارا
08-06-2009, 09:43 PM
يارب اكون قدرت افيدكم ويارب الائي حد يساعدني

mamet jana
11-06-2009, 10:43 PM
دبل كدة انا هتجنن اعمل اية مع ابني بس اودية فين بقيت مدارس اكتوبر غالية جدا علية اية الحل؟ انا كان احتيارس التاني النعاهد القومية بس بعد ما قريت المكتوب ايفزعت اكتر زكمان اتفزعت من الكلام الموجود علي مدرسة القاهرة للغات ارجوكم المساعدة

قمارا
11-06-2009, 11:31 PM
ولا حياة لمن تنادي

mamet jana
13-06-2009, 02:50 PM
قمارا طيب متعرفيش مدرسة حد بيشكر فيها ؟ انا شكلي كدة خجرب السنة دي مدرسة القاهرة لو معجبتنيش هحول بس مش عارفة موضوع التحويل دة سهل ولا لآ بس دة لسة kg1 والله علي ايامنا انا اصلا مدخلتش حضانة

بسكوتة بالعسل
17-06-2009, 01:44 PM
هو ما فيش حد مرتاح في مدرسته و لا ايه

lovely.mar
20-06-2009, 09:25 PM
على فكره مامة جنى على حق
مدرسة القوميه فيها فساد في الادارة
وتئدري تتأكدي لما تدخلي الموقع ده
http://209.85.229.132/search?q=cache:ovuatgz5xquj:www.akhbarelyom.org.eg/akhersaa/issues/3875/0600.html+%d9%85%d8%af%d8%b1%d8%b3%d8%a9+%d8%a7%d9 %84%d9%82%d9%88%d9%85%d9%8a%d8%a9+6+%d8%a7%d9%83%d 8%aa%d9%88%d8%a8%d8%b1&cd=27&hl=ar&ct=clnk&gl=eg

:36_3_12[1]:بعد التحية للجميع ، أنا عضوة جديدة معاكم ودي أول مشاركة لي في المنتدى كله
أنا مش عايزة أحبطكم يا جماعة ، أنا مدرسة لغة عربية ، والحمد لله اللغة عندي كويسة إلى حد كبير
واشتغلت بمعظم مدارس 6 أكتوبر الكبيرة
وشايفة إن التعليم كله واحد ، مبيفرقش عن التجريبي حاجة خالص ، البيت يا جماعة هو الأساس ، البيت اللي بيحرص على تفوق أولاده هو ده اللي بيتميز مش المدرسة خالص ، ومدرسة المانور هاوس للي كان بيسأل على مصاريفها معدية ال10.000 يعني زي مصر للغات ، وعايزة أضيف كمان إن معظم الأولاد في المدارس اللي اشتغلت فيها كانوا بياخدوا دروس في أغلب المواد ، وقليل من المدرسين بيرفض الدروس علشان ميتفرضش عليه يوزع الدرجات حسب سعر الحصة
وعايزة أقولكم كمان إني فضلت أقدم لبنتي في مدرسة تجريبي على الرغم من إني كان ممكن آخدها معايا في المدرسة بخصم 50% على مصاريف التعليم طبعاً يعني بدون باص ويونيفورم وكتب ، لكن المدرس بيكون آخر واحد ممكن يهتموا بابنه بالرغم من إنه دافع ، لكن أهو مننا وعلينا بأه وعمره ما هيشتكي زمايله أو مديرينه ، أما القوميات فهي فعلاً أفضل حالاً ماديا وعلميا لكن برده متابعة البيت هي الأساس .
أنا شايفة إن احنا بندفع في اللغات الخاصة ثمن شياكة المكان ، زي الفندق كده ، لكن مش ثمن الخدمة خالص .
آسفة إذا كنت سودتها في وشكم ، بس أولادنا أولى بفلوسنا ، ومدام كده كده هياخدوا دروس نقول من إعدادي مثلاً بلاش ابتدائي ، ونقول في بعض المواد مش كلها يبقى ندفع ليه مصاريف غالية ، ومفيهاش حاجة لو تعبنا معاهم شوية ، ونقود احنا الدفة:36_5_11[1]:والله المستعان

lovely.mar
20-06-2009, 09:36 PM
بعد التحية للجميع ، أنا عضوة جديدة معاكم ودي أول مشاركة لي في المنتدى كله
أنا مش عايزة أحبطكم يا جماعة ، أنا مدرسة لغة عربية ، والحمد لله اللغة عندي كويسة إلى حد كبير
واشتغلت بمعظم مدارس 6 أكتوبر الكبيرة
وشايفة إن التعليم كله واحد ، مبيفرقش عن التجريبي حاجة خالص ، البيت يا جماعة هو الأساس ، البيت اللي بيحرص على تفوق أولاده هو ده اللي بيتميز مش المدرسة خالص ، ومدرسة المانور هاوس للي كان بيسأل على مصاريفها معدية ال10.000 يعني زي مصر للغات ، وعايزة أضيف كمان إن معظم الأولاد في المدارس اللي اشتغلت فيها كانوا بياخدوا دروس في أغلب المواد ، وقليل من المدرسين بيرفض الدروس علشان ميتفرضش عليه يوزع الدرجات حسب سعر الحصة
وعايزة أقولكم كمان إني فضلت أقدم لبنتي في مدرسة تجريبي على الرغم من إني كان ممكن آخدها معايا في المدرسة بخصم 50% على مصاريف التعليم طبعاً يعني بدون باص ويونيفورم وكتب ، لكن المدرس بيكون آخر واحد ممكن يهتموا بابنه بالرغم من إنه دافع ، لكن أهو مننا وعلينا بأه وعمره ما هيشتكي زمايله أو مديرينه ، أما القوميات فهي فعلاً أفضل حالاً ماديا وعلميا لكن برده متابعة البيت هي الأساس .
أنا شايفة إن احنا بندفع في اللغات الخاصة ثمن شياكة المكان ، زي الفندق كده ، لكن مش ثمن الخدمة خالص .
آسفة إذا كنت سودتها في وشكم ، بس أولادنا أولى بفلوسنا ، ومدام كده كده هياخدوا دروس نقول من إعدادي مثلاً بلاش ابتدائي ، ونقول في بعض المواد مش كلها يبقى ندفع ليه مصاريف غالية ، ومفيهاش حاجة لو تعبنا معاهم شوية ، ونقود احنا الدفة والله المستعان

lovely.mar
20-06-2009, 09:43 PM
معلش هسألكم بأه سؤال هو أنا مقدرش أعدل في المشاركة اللي كتبتها ؟ حاولت كتير ومقدرتش غير إني أعيدها تاني ، اعذروني المنتدى مختلف شوية عن غيره .وكمان سؤال ليه مذكرتوش مدرسة الطلائع التجريبية خالص ، مع إن ناس كتير بيشكروا فيها ، ولو تعرفوا حاجة عن المدرسة الصيني يا ريت تفيدوني ، لأني كنت بفكر أحول فيها ن شكراً

رهف
22-06-2009, 03:54 PM
انا مع الاخت لافلي رام فعلا الاساس من البيت يعني احنا فاكرين اننا في المدارس الخاصة هنشيل ادينا خالص لا بالعكس المفروض دي مسؤليتنا وربنا يعينا عليها اقول لكم فعلا من الافضل توفير النقود لاطفالنا لانهم محتاجنها في الومن ده ونشوف مدرسة متوسطه طالما كدة كدة هندفع دروس وغيره.

mamet jana
25-06-2009, 10:31 PM
بس انا شايفة بصراحة ان اللغات بتفرق مع الأطفال مش شياكة ولا حاجة بس بس احنا بندف زيادة علشان اللغة وبجد متقوليش مش بتفرق في اللغة لان الطفل لو مش من الأول عندة اكسنت وحصيلة كلمات مش بيبقي قوي حتي بعد ما بيكبر وبيبقي عايز ضعف المجهود تلات مرات علشان نحسن لغتة وندخل بقي في موال كورسات اقل واحد في الزمن دة محتاج لغتين زيادة علشان يشتغل في مكان كويس واللة انا بتكلم من واقع تجربة شخصية انا متربية في مدارس حكومي وطول عمري بموت في اللغة الأنجليزية ومستواي كويس فيها وكنت شغالة في فنادق بس بعد ما سبتها واتجهت للشركات الخاصة والمالتي ناشيونال شرط اساسي في شركات كتير تبقي خريجة مدارس لغات وكذا مرة حد يكلمني علشان انترفيو واول سؤال اتسالة انتي خريجة مدارس اية مش كلية اية كمان بيسألوا علي المدرسة قبل الكلية علشان كدة الناس اللي بتدفع فلوس في المدارس مش بترمي فلوسها في الارض ولا حاجة بالعكس هما بيشتروا اسم المدرسة لمستقبل ولادهم ودة مجرد راي

وكمان لما الولد من صغرة يدرس انجليزي والماني وفرنساوي من ابتدائي اعتقد دة ممتاز ولا رايكم اية واكيد اكيد دور البيت مهم جدا في مستوي الاولاد العلمي

lovely.mar
29-06-2009, 04:27 PM
عزيزتي مامة جانا ، أنا قصدت بشياكة المكان شكل المدرسة بفصولها ومكاتبها وأدواتها وملاعبها اللي في الغالب مبتكونش مستخدمة على مدار السنة بشكل جيد ، أما عن اللغة أنا معاكِ 100% الطفل بيحصل كتييييييييييييييييير جدااااااااااااا في مراحل عمره الأولى ، لكن خليني أسألك ، هل بالضرورة المدارس اللي يالشيء الفلاني بتجيب مدرسين متمكنين في اللغة أو حتى عندها معمل لغات ؟؟ ولو موجود هل بيستخدم ؟
من خلال خبرتي في العمل بالمدارس اللغات ، المدارس دي بتسترخص ، وبتجيب مدرسين مش متخصصين ، في التدريس أو في اللغة ، يعني يا إما بتجيب أجانب عايشين في مصر ، مش مدرسين أصلاً ومبيعرفوش يوصلوا المعلومة لأ ن مش بالضرورة كل أجنبي يقدر يدرس لغته أو عارف قواعدها أصلاً ، يعني كل مصري شاطر في النحو مثلاً ؟ أو بتجيب مصريين حديثي التخرج وأحياناً مش متخصصين لكن الأكسنت يتاعتهم كويسة .
أنا مقتنعة إن عملية التدريس دي موهبة بحتة مع الدراسة الجيدة ، وهتلاقي كل سنة المدرس بيختلف وتكون العملية زي البطيخة يا تطلع حمرا يا .......
وكل سنة المدرسين بيتغيروا ، هل بقى هنلف وراهم في المدارس ولا نفضل زي ما احنا واحنا وحظنا ؟ أو احنا وشطارتنا بقى كل يوم والتاني نروح نتخانق علشان حاجة شكل ونعرف ناخد حق أولادنا بفلوسهم الكتير اللي دفعوها . مش عارفة الموضوع كبير أوي وعمرك في السن الصغير ما هتعرفي حاجة بتحصل في المدرسة إلا من خلال أولياء أمور تانيين ، أو نخلي أولادنا رويتر يرجعوا يكروا اللي بيحصل كله علشان نعرف نتابعهم .
طولت عليكِ ، آسفة بس أحب أعرف رأيك في كل ده ، شكراً لك

mamet jana
30-06-2009, 04:27 PM
واللع يا جميلة انا محتارة جدا اكيد انت ادري بالموضوع لانك مدرسة وجربتي فاكيد مش هقدر اناقشك صدقيني انا عاملة زي ما اكون عايشة في دوامة في موضع المدارس دة

انا مشش عارفة اعمل اية اكمل معاة لغات ولا ادخل ة تجريبي نظرا ان كل خاحة في الدنيا بتغلي وكلها سنتين ان شاء الله ولية اخت كمان عايز ة تتعلم بردة فالمسئولية كبيرة بس انا لس خايفة من التجريبي بس ياريت تقنعيني بيها بما انك مدرسة وصدقيني رايك مهم جدا بالنسبة لية علشان انا دلوقتي بفكر مليون مرة في التجريبي ولا اللغات لان الكل بيقول في الاخر كلة محصل بعدة ويعني زويل ولا طة حسين كانوا خريجين اية المهم البيت في الاول والاخر

نور ربي
30-06-2009, 05:34 PM
السلام عليكم يا جماعة

الموضوع راااااائع جدا ومفيد للجميع

مامة جنة

انت قلقانه ليه من التجريبي
طيب ما في تجريبي لغات وفرق المصاريف اللي هتوفريها كثفي كورسات محادثه للاولاد اذا كانوا في المدرسة مش اوك في اللغة
لان خللي بالك انا اعرف انهم بيعدوا المدرسين في التجريبي كويس جدا لكن اعتقد ان ده هيكون اكاديميا اما اللغه كلغة يارب يكون المدرسين فعلا مؤهلين في المحادثه وبأيديك الحل ان شاء الله
واذا فعلا قلقانة من موضوع التوظيف وسؤال المسؤلين عن مدرسة التخرج انت ممكن تخليه في التجريب لغاية الاعدادي وبعدين في الثانوي توديه مدرسة لها سمعتها
وربنا يوفقك

mamet jana
30-06-2009, 09:34 PM
السلام عليكم يا جماعة

الموضوع راااااائع جدا ومفيد للجميع

مامة جنة

انت قلقانه ليه من التجريبي
طيب ما في تجريبي لغات وفرق المصاريف اللي هتوفريها كثفي كورسات محادثه للاولاد اذا كانوا في المدرسة مش اوك في اللغة
لان خللي بالك انا اعرف انهم بيعدوا المدرسين في التجريبي كويس جدا لكن اعتقد ان ده هيكون اكاديميا اما اللغه كلغة يارب يكون المدرسين فعلا مؤهلين في المحادثه وبأيديك الحل ان شاء الله
واذا فعلا قلقانة من موضوع التوظيف وسؤال المسؤلين عن مدرسة التخرج انت ممكن تخليه في التجريب لغاية الاعدادي وبعدين في الثانوي توديه مدرسة لها سمعتها
وربنا يوفقك

متشكرة جدا يا نور ربي لردك علية فهلا اديتيني حل اني ممكن انقل بعد كدة لغات لو ربنا يسر الحال او الحال معجبنيش في اللغات انا والله قررت استخير الله وكلة علي الله

ام بوحميد
04-07-2009, 10:15 PM
[بسم الله الرحمن الرحيم ياجماعه حد يساعدنى انا تعبت من التفكير واللى ريحنى ان بنتى 3.3 سنه يعنى مش هقدم السنه دى بس عايزه اعرف يعنى ايه مدارس قوميه تجريبى ويعنى ايه تجريبى لغات هو مش من المفترض ان التجريبى لغات والا ايه وارجو منكم كتابه اسماء مدار القوميه ومكانها ومواصفات جميع المدارس

lolototy
08-07-2009, 06:57 AM
بالنسبة للبيسالو عن المدرسة الصينى فهيا تقع فى الحى الحادى عشر امام سنتر المصطفى انا زرتها وهى مدرسة تجريبى انشات السنة الماضية والسنة الماضية كنت اول سنة اها وهى جميلة جدا جدا من برة وعند زيارتى لها وجدت بعض المدرسات واقفين فى ساحة الدخول وعند سؤالى فين الادارة ارتبكوا جدا اكنى سالت عن شيئ ممنوع وقولت لهم انا بسال عن التقديم فاردت استاذة فاضلة مشوهة بأدها اسألى مس ايمان على ما اظن كان اسمها كدة طلعت النظرة وقالت وهى بتضحك بسخرية هى مضيقة دلوقتى وذهبت اسألها قالت ممكن ناخذ البنت عمرها 4 ونصف قولتها بس كدة هيكون سنها كبير قالت دى كمان هتدخول تنسيق من الوزارة وبسالى عرفت ان المدرسة تجريبى ودا طبعا مش باين فى اسم المدرسة لان اسمها غريب جدا وعرفت ان الاولاد هيدرسوا صينى كمادة اضافية وبسالى عن فصل بيبى كلاس ضحكت وقالت اى بيبى كلاس دا مع العلم انى كنت مدرة انكليزى لمدة 5 سنين وفهمتها ان الفصل دا ماتحت الكى جى ويقبل من سن 2 ونصف قالت لا مافيش وسبتنى ومشت وخرجت من المدرسة وانا بقول لا طبعا مش دا اللى بحلم بية للبنت ومن اسلوبها يدل انى مفيش لالغة ولاحاجة وزعلت جدا لان حقيقى كان نفسى بنتى تدخلها لانها بجانب منزيلى اما زيارتى الاخر لبعض المدارس فلم اجد مثل مدرسة القومية اسلوبهم يدل على فهمهم وانا قدمت لبنتى فيها بيبى كلاس ولكن عيبها الوحيد بعدها عنى وياتى بعد القومية الرضوى ميزتها برضو فهمين وتعتبر قريبة منى ولكن مفيهش بيبى كلاس فلوتكرمتو بافادتى عن اى مدرسة فيها بيبى كلاس واسعرها مناسبة ارجو دلونى اسفة للاطالة وارجو اى حد عاوز يعرف مدرسة يذهب لها زيارة الاول نسيت اقولكم انى دخلت فصول الكى جى فى القومية وشفت الجاردن والحمامات تحفة واهم حاجة الحمامات علشان صحت اولدنا وشكرا

mamet jana
10-07-2009, 04:31 PM
القومية لسة مافتحتش بييبي كلاسلان ابني داخل كيجي وان وقدمتلة خلاص ولما سالت علي بيبي كلاس قالولي احتمال نفتح السنة اللي جاية اللي هي 2010/2011 بس مش السنة دي

salma mohamed
10-07-2009, 04:40 PM
يا جماعة بعد طوول البحث والتدوير انا عندى ليكم معلومات جديدة فى مدرسة جديدة هاتفتح السنة دى وهى المدرسة الالمانية ودى هاتبقى تجريبى مميز والتحويل فيها مع بداية الدراسة وبعد ما اقتنعت ان المدارس التجريبى زى المدارس الغات الفرق الوحيد هو الفلوس والدليل ان الناس بعد ما بيدخلو ولادهم الغات الخاصة بيرجعوا ينقلوهم لتجريبى انا هانقل لبنتى

mamet jana
11-07-2009, 01:53 PM
طب دي مكانها فين يا سلمي / وممكن استفسار كمان يعني اية تجريبي مميز ألماني اول مرة اسمع كدة التجيريبي اما تجريبي عربي او لغات او مميز اللي هي مدارس تبع سوزان مبارك
اية بقي الألماني ؟ يا ريت تفدينا يا جميلة خاصة عن المكان فين في اكتوبر

om sohaila
11-07-2009, 05:27 PM
انا قدمت لبنتى فى المدرسة الصينية و حددو لينا امتحان انا و هى و والدها
المدرسة سالت عليها و قالو الدراسة فيها معقولة لحد كبير
بس تخيلوا امتحان اولياء الامور محادثة بالانجليزى و اختيار اى موضوع عام الواحد يتكلم بية بردوا بالانجليزا يعنى هيربونا احنا الاول هههه
لو حد عندوا بردوا فكرة عن الامتحان يا ريت يقولنا

و بالنسبة للمدارس التجريبى انا بنتى رايحة كى جى تو فى مدرسة الشيخ زايد بالحى الاول المدرسة فوق الممتازة بجد
و بردوا قدمت لبنتى التانية فيها احتياطى و كتبت رغبة اولى المدرسة دى مع انى جنب الطلائع بس و الله المدرسة ممتازة و بيهتموا بالاطفال جداااا و كمان المهارات كتيرة قوى

lolototy
11-07-2009, 11:23 PM
ياريت ياسلمى تفدينا اكتر يعنى اية تجريبى مميز انا اول مرة اسمع عن كدة مدرسة ويترى دى فين علشان نعرفها ونسأل عليا ويترى دى مصارفها اد اية انا اعرف المدارس الدولية غالية جدا مصارفها فوق ال 10000 الاف وتاخد من سن كام وازى سوف نقدم للاولاد بداية الدراسة وهل فيها بيبى كلاس ولا لا لان القومية هتفتح الفصل دا السنة الجاية ارجو الرد وافدكم اللة وجزاكم خير على التعاون الجميل الللى بيننا يارب دايما

salma mohamed
12-07-2009, 01:56 AM
يا جماعة المدرسة الالمانية مكانها الحى الرابع شارع 24 المتفرع من شارع 19 والمدرسة اتبنت لكن لسة ما اتشتبتش وكل المعلومات الى عندى انها هاتتسلم للوزارة يوم 15 /9 وانها هاتشتغل الدرسة فيها السنة دى لكن مصاريفها هاتبقى زى الصينية والمدرسة هاتقبل التحويلات والى عايز يعرف اكتر يسال فى الادارةالتعليمية

salma mohamed
12-07-2009, 02:09 AM
مختعايزة ادلكم كمان على الروضة النموذجية بمدينة مبارك التعليمية دى بجد ممتازة انا بنتى خدت كجى 1/و كجى2 هناك لكن للاسف هىكدة بس ولكنها فعلا بتغير الاطفال كتير وهى نظام لف فى التعليم لكن انا مش عارفة هو التقديم فيها لسة شغال ولا خلاص مكانها بعد ميدان جهينة يمين فى لوحة مكتوب عليها مدينة مبارك التعليمية هى جواها واى خدمة

حووداا
14-07-2009, 02:12 AM
السلام عليكم انا كمان عضوه جديده في المنتدي بصراحه المنتدي رائع وفادني في حاجات كتير بس انا مشكلتي مختلفه انا مش عارفه اصلا انقل بنتي لمدرسه في 6 اكتوبر بالرغم انا هنتقل للعيش فيها في اول العام الدراسي مفيش مدرسه راضيه تقبل التحويل برغم انها كانت في مدرسه تجريبي وانا مش عاررفه اعمل ايه دايخه من شهر واكتر يعني بلاش البنت تتعلم عشان هنغير محل السكن واعذروني علي الاطاله بس حسيت ان في حد يقرا موضوعي ويساعدني في البحث عن مدرسه لبنتي واللي مزعلني ان بنتي متفوقه وشاطره وشكررررررررررررررررررررررا

رولا هاني
16-07-2009, 01:45 PM
سلمي انتي متاكده من معلومه المدرسه الالمانيه دي ......
اصل انا بنتي ان شاء الله هتدخل السنه الجايه كي جي 1 وانا ساكنه في الحي الرابع
كنت بفكر في رويال عشان جنب البيت بس متهيئلي الالمانيه دي هتكون احسن
وارخص اكيد
حد يعرف يا جماعه رويال مصاريفها كام

بسكوتة بالعسل
18-07-2009, 11:16 AM
السلام عليكم و رحمة الله

ممكن يا جماعة اللي عندها فكرة اكتر عن المدرسة الالمانية دي أو سألت عليها
في الادارة تفيدنا اكتر من ناحية سن الاولاد و اللغة الاولى هتبقى الماني و لا انجليزي
و المصاريف كام و كثافة الفصول طبعا أد ايه
وشـــــــــــــــــــــــكراااا:36_3_12[1]:

lolototy
26-07-2009, 06:18 PM
بالنسبة لمصريف رويال تمهيدى5500 ورياض الاطفال 6300 واولى ابتدائى الى ثالثة اعدادى 6500 واولى ثانوى الى ثالثة ثانوى 7400 بالنسبة
للباص 1350

said
28-07-2009, 12:44 PM
فى الحقيقة انا محتار جدا وإتأخرت فى التقديم لبنتى فى مدارس 6 أكتوبر وسمعت عن المدرسة الصينية ايه رأيكم فيها وهل اقدم فى مدارس خاصة ولا تجريبى ولو تجريبى يبقى اقدم فين
تحياتى
سعيد الاطروش
جريدة العالم اليوم

رولا هاني
29-07-2009, 12:20 PM
مساله خاص او تجريبي دي تعتمد علي الامكانيات الماديه..
الخاص مصروفاته مرتفعه ولكن الاهتمام بالاطفال فيه بيكون احسن
وافضل المدارس الخاصه في اكتوبر هي رويال انترناشونال والهدي الازهريه لغات
ثم تاتي بعدهم المدرسه القوميه
اما بالنسبه للتجريبي فافضلهم المدرسه الصينيه و النصر التجريبيه بالحي المتميز

om sohaila
29-07-2009, 02:17 PM
يا جماعة انا دلوقتى بنتى تنسيق الرمحلة الاولى من التجريبى ما اخدش سنها و الصراحة خايفة استنى لغاية التنسيق التانى بردوا ما احصلش حاجة
فاية الحل شوروا عليا
يعنى ادخلها مدرسة خاصة اية
و هيقبلوها فى اى سنة دراسية
هى كبيرة على كى جى 1 للمدارسة الخاصة لغات
عندها 5 و شهر
يا ريت تفكروا معايا

om sohaila
29-07-2009, 02:20 PM
يا جماعة انا دلوقتى بنتى تنسيق المر حلة الاولى من التجريبى ما اخدش سنها و الصراحة خايفة استنى لغاية التنسيق التانى بردوا ما احصلش حاجة
فاية الحل شوروا عليا
يعنى ادخلها مدرسة خاصة اية
و هيقبلوها فى اى سنة دراسية
هى كبيرة على كى جى 1 للمدارسة الخاصة لغات
عندها 5 و شهر
يا ريت تفكروا معايا
:50 (8):
و كمان ممكن ادخلها كى جى 2 عالطول و لا اية

رولا هاني
29-07-2009, 02:25 PM
om sohaila
انا من رايي تقدميلها في مدرسه خاصه عشان لو مقبلتش في التجريبي السنه دي
متروحش عليها السنه
بس ان شاء الله هتقبل في المرحله التانيه

om sohaila
29-07-2009, 04:38 PM
تسلميلى يا رولا
و ان شاء الله هروح بكرة اشوف فى كذا مدرسة
مع انى عارفة انى هتعب جدااا لان اغلب المدارس قفلا باب التقديم
و فية الل بيقولى دا خيخلوكى تدفعلا سنتين مع بعذ يعنى ادفع 14000 جنية مرة واحدة يا رب يعنى بقا

salma mohamed
29-07-2009, 07:30 PM
ام سهيلة انا شايفة انك تستنى التنسيق التان وان شاء اللة ها تقبل لان فى مدرستين جداد هايفتحوا السنة دى

om sohaila
31-07-2009, 10:33 AM
ام سهيلة انا شايفة انك تستنى التنسيق التان وان شاء اللة ها تقبل لان فى مدرستين جداد هايفتحوا السنة دى

يا رب يا سلمى
لان كدا سالت المدارس اللغات الخاصةو قالولى لازم تجيبى للبنت اثبات قيد انها كانت فى مدرسة لغات و اخدت كى جى1

tota a
08-08-2009, 07:39 PM
[ مدرسة الشيخ زايد التجريبه للغات كويسه ولاه ايه ومصاريفها ياريت حد يرد عليا ضرورى وبتاخد من سن كام ضرورى لان انا محتاجه الرد بسرعه علشان الحق اقدم لبنتى وكمان لو حد يعرف مصاريفها

om sohaila
09-08-2009, 05:41 PM
[ مدرسة الشيخ زايد التجريبه للغات كويسه ولاه ايه ومصاريفها ياريت حد يرد عليا ضرورى وبتاخد من سن كام ضرورى لان انا محتاجه الرد بسرعه علشان الحق اقدم لبنتى وكمان لو حد يعرف مصاريفها

المدرسة رايى الشخصى فيها جميلة جدااا اولا المدرسات نشاط جدااا و مدرسة اللغات هناك اسمها ايمان فوق الممتازة بمعنى الكلمة

و المصاريف بالكتب 340 جنية

بس يا حبيبتى هى كدا خلاص التنسيق ظهر
يعنى كان لازم تقدميلها من بدرى

و اخدت من سن 5 سنين و 3 شهور بالظبط

ميرو2000
09-08-2009, 06:38 PM
انا من نفس رأي ام سهيله انا ساكنة قريب من المدرسة دية وكنت بفكر اقدم خاص قبل ماعرف اي حاجه عن التجريبي واما دخلتها لقيت مفيش اي فرق بنها وبين الخاص الا المصاريف غير ان المدرسين لذاذ جدا وصبورين والله بيخلو الواحد يسأل براحته لدرجة اني شكيت اني في مدرسة خاصة مش حكومة غير انها نضيفو حتي المديرة صدرها رحب جدا ولكن فعلا التقديم كان في شهر 6 وانا مستنية المرحلة التاني اصل ابني 5 سنين بالظبط ادعولي يقبل يااااااااااااااااااااااااارب

om sohaila
11-08-2009, 03:22 PM
ان شاء الله يقبل يا ميرو
انا زيك بردوا مستنية التنسيق التانى
و بنتى اكبر من ابنك ب 21 يوم
و المديرة قالت ممكن تقبل بس المرحلة التالتة

و انا مستنية يا رب تقبل

sameh_malek
11-08-2009, 05:27 PM
على فكرة مدرسة افاق للغات بتقفل وبطلبوا اولياء الامور عشان تحول لاولادها عشان في حكم علي ارض المدرسة وتم سحب اللارض منهم
وده من اول شهر اغسطس 2009 .. بهدلو اولياء الامور

dolphin
30-08-2009, 11:52 AM
السلام عليكم ورحمة الله وبركاته


أنا عضوة جديدة معاكم

ولو سمحتم لى أستفسار


ممكن أعرف عنوان المدرسة القومية اللى فى 6 أكتوبر


ولكم جزيل الشكر

eng_elm
30-08-2009, 01:27 PM
ياجماعه انا عندي سؤال لو سمحتم انا بنتي كانت في ازهر نموزجي وخلصت التمهيدي وطبعا ده عربي ومستوي رفيع لكن انا عايزادخلها ابتدائي لغات اعمل ايه

khaled_flying
27-09-2009, 05:15 PM
100 1000000000000000

مشفض
09-10-2009, 01:52 PM
عاجــــل جدا جدا
انا عضو جديد ومقيم بالسعودية وهنزل نهائى بعد اسبوعين وعندى بنتين فى ابتدائى واحدة فى اولى والتانية فى رابعة وعايز ادخلهم مدرسة كويسة فى اكتوبر ومش عارف فى حد هيقبلهم دلوقتى والدراسة بدأت خلاص ام لا واى مدرسة الكويسة وايه اقربلى لأن سكنى فى عمارات رامو امام المتميز ياريت حد يهتم ويرد عليا بسرعة:36_3_12[1]:

HAZEM5
10-10-2009, 11:48 PM
انا عضوة جديدة واحب ان اعرف هل مدرسة النصر التجريبية ومدرسة مبارك قريبة من مشروع ابنى بيتك المرحلة السادسة ام لا ؟
وهل بها للمرحلة الاعداية والثانوية ؟
ارجو الافادة وجزاكم الله خيرًا:storm_1572884228162

karam okasha moh
12-10-2009, 11:38 AM
السلام عليكم
نداء الى جميع اولياء الامور للاطفال فى مدرسه 6 اكتوبر القوميه للغات
امبارح بدات الدراسه ل kg1
وابنى واحد منهم عاوزين نبقى على اتصال مع بعض ولو فى ايجابيات او سلبيات
ونتكلم مع بعض اول باول

شكرا

مشفض
13-10-2009, 02:48 PM
انا فى السعودية وهأنزل ان شاء الله بعد اسبوعين وعايز اعرف هل مدرسة طيبة للغات بالمتميز تقبل بناتى ام لا وكام مصاريفها لأنها اقرب مدرسة لمنزلى علما بأن بناتى واحدة فى اولى ابتدائى والثانية رابعة وكانوا فى مدارس انترناشيونال 0
ارجو من يستطيع ان يفيدنى الرد بسرعة
:36_3_12[1]:

مشفض
13-10-2009, 02:51 PM
لوسمحتوا اللى دخل ولاده فى المدرسة القومية يطمنى من ناحيتها ويعرفنى مصاريفها كام بالضبط لسنة رابعة ابتدائى واولى ابتدائى
:36_3_1[1]:

سامح محمد احمد
19-10-2009, 11:38 AM
أعزائى الكرام السادة أولياء الأمور....اتشرف اولا بانضمامى لهذا المنتدى الكريم و الذى اطمع ان اجد من خلاله الاجابات اللازمة لأسئلتى.....
أولا: انا ولى امر طالب بالصف الثانى الابتدائى و طالبة ب كى جى 1بأحدى المدارس الخاصة و التى "اكع" فيها دم قلبى....المدرسة دى اول ما بدأت الدراسة بها كانت جيدة...ثم بدأت فى النازل...هذا العام بدأت ادارة المدرسة فى تطبيق نظام الفصول المتميزة...و لاحظت منذ بداية العام الدراسى انعدام الاهتمام تماما بالفصول العادية...سواء من الناحية التعليمية او التربوية...أبحث الآن عن مدرسة تكون اللغة الثانية فيها هى الألمانية....انا مقيم بالحى الأول امام لارين و سمعت عن المدرسة الألمانية...عسانى استطيع التقديم لأبنائى بها العام الدراسى المقبل....فهل يعلم احد اى شئ عنها؟؟؟؟ و شكرا...

mayoy
04-11-2009, 08:34 PM
السلام عليكم انا كمان ابنى فى القومبه فى kg 1
المدرسه مشاء الله مستوها قوى بس بيدو HW كتير

أيمن65
05-11-2009, 01:05 PM
انا ولية امر طالبة فى المرحلة الثالثه الابتدائية وkg1 فى مدرسة القومية للغات امام مدينة مبارك التعليمة مستوى المدرسة مش كويس مفيش تعليم ولا لغة مثال مادة العلوم بالغة الانجليزية المدرسة بتفهم الولاد مرة e ومرة بالعربى دة كلام والعربى بيكتب الدرس ومفيش شرح والوجبات كثيرة جدا" وربنا يستر وانا العام القادم سوف امشى من المدرسة دية ومفيش كهرباء وبالتالى مادة الكمبيوتر نظرى ايوه فى معمل كمبيوتر فقط لحد ما تدخل الكهرباء بصرحة الفصل ثلاثه ابتدائى واحد فقط عدد التلاميذ 33 فى فصل مين فيهم بيفهم الدرس ربنا برحمنه برحمته المصاريف 3 ابتدائى 3700 جنية + م. الباص اكتوبر 1200 جنية + الملابس مش كويسة 500جنية .

mamet jana
10-11-2009, 04:09 PM
انا كمان ابني في مدرسة القومية أكتوبر في class KG1 E مع ميس مي وايمان مش عارفة حاسة كدة اني مش مستريحة بس الولد في تقدم في مستواة بس بطيء مع اني اعرف ناس في مدارس تانية جاريين جدا في المنهج بس انا كدة كدة بقالة اسبوع مش بييروح علشان موضوع الأنفلونزا انا بجد مرعوبة فخدتها من قصيرها وقعدتة بس بجد المدرسة بتفرق معاة جدا

karam okasha moh
11-11-2009, 11:58 AM
انا كمان ابنى فى kg1A
بس على فكره ميس مى مشيت وكانت نشطه جدا وجت مكانها ميس ماجده
عالعموم انا برضو حاسس ان فى تقدم فى مستوى الولد ,بس كمان فى زى ما يكونو مربوكيين شويه
كمان الولاد فى السن ده محتاجيين حد يكلم معاهم ويخش جوا دماغهم ونفسى يهتموا شويه بتكوين علاقات بين الولاد
وانا اكلمت معاهم فى النقطه دى كتير ويارب يهتمو بيها:50 (36):
بالمناسبه مواعيد رجوع الاولاد بقت متاخره ساعه

mayoy
11-11-2009, 09:33 PM
انا ابنى فى kg1 D مع ميس ايمان ومبس ريم يريت نفضل على تواصل :36_3_1[1]:

mamet jana
16-11-2009, 10:36 AM
با ريت يا جماعة نفضل في تواصل علي طول لأمي بجد ضميري بيأنبيني اني قعدت ابني من المدرسة بس يصبر نفسي احسن م أالأقية لاقدر الله عيان قدام عيني المهم انا ناوية احط معاة اسلوب ومنهج علشان يمشي علية ويحس ان فية مدرسة لو فية اقتراحات او اسمامي مواقع لتعليم الأطفال يا ريت نفيد بعض ان شاء الله

ميرو2000
18-11-2009, 12:44 AM
بصي يامامة جانا انا في برنامج بعلم ابني عليه اسمه تعلم مع سلحوف باربع لغات انت اكتبي في البحث كده وحمليه علي جهازك وربنا يعينك لاني في نفس المشكلة

mamet jana
18-11-2009, 02:50 PM
thank u so much miro, pls let us be in contact all the time

ميرو2000
20-11-2009, 03:15 AM
لاشكر علي واجب بصي كمان في اللينك ده http://www.egyscholars.com/vb/index.php فيه قسم كامل لرياض الاطفال فيه حاجات تحفه وكمان ياريت مع برنامج سلحوف تخلي ابنك او بنتك يتعامل مع البرنامج بنفسه ومان يلبس الهيدفون عشان يبقي مركز وكمان ده هيساعده انه يحفظ الكلمة او الحرف عشان الصوره مع الصوت ليهم تاثير وبالتوفيق ان شاء الله

mamet jana
20-11-2009, 07:36 PM
مش عارفة انزلة خالص البرنامج بتاع سحلوف بس هحاول تاني ان شاء الله

zayyoda
14-12-2009, 10:20 AM
السلام عليكم و رحمة الله و بركاته
أولا - ألف مبروك عودة المنتدى العظيم ده
انت كنت حريصة جدا انه يشتغل عشان ادخل على موضوعكم ده و اتناقش معاكم في موضوع اختياركم للمدارس

يا ريت الأمهات اللي دخلو ولادهم خلاص مدرسة القومية يقولولي و ينصحوني بأخبارهم ايه بالذات في منهج اللغة الانجليزية لأني بفكر ادخل ابنى السنة اللي جاية معكم ان شاء الله يعني مثلا:
1- المنهج : ماكميلان و للا برايت ستار
2- كام كتاب بالضبط
3- هل يوجد بوكليت لمادة الانجليزي
4- اخبار الواجبات المنزلية
6- مستوى تحدث الولاد و ممارسة اللغة عموما
7- اخبار ال comprehension ?

يا ريت تفيدوني و شكرا

zayyoda
16-12-2009, 10:09 AM
ايه الأخبار انتو فين يا جماعه

dinahahmed
17-12-2009, 01:32 AM
السلام عليكم
انا اول مرة اشارك بالمنتدى
وياريت لو حد يقدر يفيدنى
انا عندى ولدين السنة دى فى اولى وتانية ابتدائى فى مدرسة لغات وكنت عايزة انقلهم لمدرسة فى اكتوبر او زايد ومش عارفة اوديهم فين
انا سمعت عن مدرسة بفرلى هيلز يا ريت لو حد يعرف اى معلومات عنها يقولى او اى اراء سمعها عنها
انا فكرت انقلهم تجريبى بس هل موضوع السن حيفرق ولا ايه وكمان لو حبيت ادخلهم فى مرحلة الثانوى دبلومة امريكية او انجليزية حينفع ولا لازم يكون خريج مدرسة لغات ؟؟
ويا ريت كل واحد فى المنتدى ابنه فى مدرسة السنة دى يقولنا اسم المدرسة ورائيه فيها
و معلش طولت عليكم

mamet jana
17-12-2009, 04:19 PM
يا جماعة في حد بيودي ولادة المدرسة / اصل انا قعدت ابني ومش عارفة وصلوا لحد فين؟

mamet jana
17-12-2009, 04:21 PM
يا جميا انا ابني في كجي وان وهما من اولي ابتدائي هبخدوا ماكميلان ان شاء الله وكتب ابني حوالي 15 كتاب غير البوكليت

zayyoda
17-12-2009, 07:22 PM
يا جميا انا ابني في كجي وان وهما من اولي ابتدائي هبخدوا ماكميلان ان شاء الله وكتب ابني حوالي 15 كتاب غير البوكليت
ده فين يا ماما جنا في أي مدرسة ابنك؟

zayyoda
17-12-2009, 07:27 PM
السلام عليكم
انا اول مرة اشارك بالمنتدى
وياريت لو حد يقدر يفيدنى
انا عندى ولدين السنة دى فى اولى وتانية ابتدائى فى مدرسة لغات وكنت عايزة انقلهم لمدرسة فى اكتوبر او زايد ومش عارفة اوديهم فين
انا سمعت عن مدرسة بفرلى هيلز يا ريت لو حد يعرف اى معلومات عنها يقولى او اى اراء سمعها عنها
انا فكرت انقلهم تجريبى بس هل موضوع السن حيفرق ولا ايه وكمان لو حبيت ادخلهم فى مرحلة الثانوى دبلومة امريكية او انجليزية حينفع ولا لازم يكون خريج مدرسة لغات ؟؟
ويا ريت كل واحد فى المنتدى ابنه فى مدرسة السنة دى يقولنا اسم المدرسة ورائيه فيها
و معلش طولت عليكم

أهلا بيكي عضوة جديدة انا كمان انضميت للموضوع الجميل ده قريب
بصي يا ستي فيه دلوقتي مدرستين بيتنافسو مع بعض رويال اللي في اكتوبر الحي الرابع و المدرسة القومية اللي اما مدينة مبارك التعليمية عشان كده انا طلبت من الامهات اللي ولادهم في القومية يقولولنا اخبارهم ايه خصوصا في الانجليش لاني عارفه مستوى رويال كويس جدا ماشاء الله مرتفع
اما بفرلي منصحكيش كتير جدا حولو منها كإدارة مش اد كده و التعليم من غير ادارة مهزلة

و على فكرة عشان تبقي عارفه انا ميالة جدا للقومية عشان اعرف انها هتفتح اي جي السنة اللي جاية ان شاء الله و ده هيبقى كويس اوي لأولادنا في المستقبل و سعرها مغري 3600 جنيه و بيدرسو ماكميلان

انت ولادك فين دلوقتي قوليانا تجربتك و ليه عايزة تنقلي ؟

zayyoda
20-12-2009, 10:01 AM
اخباركو ايه يا جماعة فين اولياء امور القومية عاوزين نستفيد بيكو

dinahahmed
21-12-2009, 12:11 AM
أهلا بيكي عضوة جديدة انا كمان انضميت للموضوع الجميل ده قريب
بصي يا ستي فيه دلوقتي مدرستين بيتنافسو مع بعض رويال اللي في اكتوبر الحي الرابع و المدرسة القومية اللي اما مدينة مبارك التعليمية عشان كده انا طلبت من الامهات اللي ولادهم في القومية يقولولنا اخبارهم ايه خصوصا في الانجليش لاني عارفه مستوى رويال كويس جدا ماشاء الله مرتفع
اما بفرلي منصحكيش كتير جدا حولو منها كإدارة مش اد كده و التعليم من غير ادارة مهزلة

و على فكرة عشان تبقي عارفه انا ميالة جدا للقومية عشان اعرف انها هتفتح اي جي السنة اللي جاية ان شاء الله و ده هيبقى كويس اوي لأولادنا في المستقبل و سعرها مغري 3600 جنيه و بيدرسو ماكميلان

انت ولادك فين دلوقتي قوليانا تجربتك و ليه عايزة تنقلي ؟

ازيك يا زايودة
بصى يا ستى انا ولادى فى مدرسة المصرية الدولية بالهرم وهما فيها من كىجى وانا الاول كنت عايزة انقلهم بسبب بعد المسافة بس دلوقتى حنقلهم بسبب مستوى المدرسة
بصراحة المدرسة كانت الثلاث سنين اللى فاتو كانت ممتازة بس السنة دى فى انهيار كامل فى المستوى فى المدرسة وده لانهم لجؤ اللى مدرسين جداد ومعندهمش اى خبرة
انا ملاحظة من التعليقات فى المنتدى ان فى ناس كتير بتشكر فى التجريبى وبفكر جديا انى احولهم تجريبى

zayyoda
21-12-2009, 10:00 AM
ربنا يوفقك يا رب في التجريبي
لو كده شوفي الشيخ زايد او النصر التجريبية

noha291
22-12-2009, 08:20 PM
السلام عليكم انا عضوه جديده وابنى في سيتى سكول ولكن اريد ان انقله السنه القادمه وهو فى سنه 2 ابتداءى فارجو ترشيح مدرسه كويسه فى اكتوبر

noha291
22-12-2009, 08:26 PM
لو حد فى مدرسه سيتى ارجو التوصل معيه عشان اعرف راي صح ام خطا لانى انوى النقل منها:50 (13):

zayyoda
23-12-2009, 10:07 AM
السلام عليكم انا عضوه جديده وابنى في سيتى سكول ولكن اريد ان انقله السنه القادمه وهو فى سنه 2 ابتداءى فارجو ترشيح مدرسه كويسه فى اكتوبر
اهلا يا نهي بيكي
قوليلينا اسبابك ايه عشان غيرك يستفيد لو حب يروح مدرسة سيتي
مقابل كده انا برشحلك 6 اكتوبر القومية للغات اقري الموضوع من اوله و شوفي الناس بتقول ايه من خلال تجاربها
لكن لو عايزة تجريبي يبقى الشيخ زايد او النصر

mamet jana
24-12-2009, 05:58 PM
zayouda انا ابني في القومية

mayoy
24-12-2009, 07:44 PM
السلام عليكم انا ابنى فى القوميه بس اعته الاسبوع ده بسبب ظهور حلات فى المدرسه

noha291
24-12-2009, 08:36 PM
شكرا لكى يا zayyoda على الرد مالاسباب نقلي هى ان المصاريف 6800 اولى ابتدائ وبختك زى ميطلع فى المدرسين اى مدرسه math وحشه جدا ومفيش غيرها والمعمله وحش جدا اى ليس هناك مقابل فى التعليم مختلف عن باقى المدرسه ولكن فقط زياده داءما في المصرفات فقط وانتى في اى مرحله اولادك فى القوميه

zayyoda
26-12-2009, 01:17 AM
انا ابنى مش في القومية هو في بريليانس الدولية اللي جنب كارفور طريق مصر اسكندرية الصحراوي
ماما جنا و ماييوي ايه اخبار القومية معاكم و ايه موضوع الخنازير ده ربنا يستر

zayyoda
26-12-2009, 02:34 AM
طب سؤال يا مامة جنا و مايوي انتو مبسوطين من القومية لحد دلوقتي؟ النجليزي عامل ايه
متجي ناخد تليفونات بعض و نتصل ببعض احسن
ممكن تراسل التليفونات ع الخاص او الايميل

noha291
26-12-2009, 09:34 PM
عندى سؤال لى اولياء الامور فى القوميه بتاخذ من سن ايه فى kg1

noha291
26-12-2009, 09:49 PM
يا جماعه انا شوفت مدرسه اسمها المدارس المتميزه تحت رءاسه مجلس الوزراء ستفتح العام القادم حد يعرف شئ عنها

zayyoda
27-12-2009, 09:53 AM
يا جماعه انا شوفت مدرسه اسمها المدارس المتميزه تحت رءاسه مجلس الوزراء ستفتح العام القادم حد يعرف شئ عنها

لا لا اعرف عنها شيئ:50 (31):

noha291
27-12-2009, 06:11 PM
انا عرفت يا zayyoda هى ستكون internationalو ستقبل من سن 4 سنوات واذا اكتمل اى فصل فى اى مرحله ستشتغل و تابعه لمجلس الوزراء والمصاريف من 8000 الى 12000 كما قالوا لى ايه رايك

noha291
27-12-2009, 06:14 PM
ممكن حد يدينى نمره تليفون القوميه :36_3_12[1]:

zayyoda
27-12-2009, 09:54 PM
ده تليفون الاستاذ محمد صديق مدير المدرسة ابقى طمنيني و قوليلي ايه الاخبار
0123412343

zayyoda
27-12-2009, 09:55 PM
ايه يا جماعة الخير فينكو؟ انا و نها و مامت جنا بس اللي هنا؟

noha291
28-12-2009, 06:30 PM
مفيش يا zayyoda قال لى انها تقبل من سن4 سنوات التقديم والتحويل فى شهر ابريل وبس ولكن متخوفه هو ممكن لو لم يعجبنا الحال نحول من القوميه الى الخاصه ولا زي التجريبى لا يمكن ولى يعرف يرد عليه ويا zayyodaهو ابنك فى سنه كام؟

zayyoda
29-12-2009, 09:53 AM
انا ابني برايماري وان
اعرف ناس كتير في برايميري كبار و اولى اعدادي مبسوطين جدا
طب مقلكيش انها هتفتح أي جي السنة اللي جاية؟

zayyoda
29-12-2009, 12:21 PM
يا جماعة عندي ليكو بشرى حلوة انا لسه مكلمة استاذ - محمد صديق و قاللي ان باب التقديم مفنوح من دلوقتي عن كريق ملأ ابليكيشن ب 30 جنيه على اساس شهر ابريل اللي جاي يعملو انترفيو للولاد
انا هروح ان شاء الله يوم الخميس

noha291
29-12-2009, 01:14 PM
انا هروح غدا ان شاء الله وابنى ايضا سيروح بريمرى 2 يا zayyoda ,وساكتب لكى الاخبار ملكن مشكله النقل منها للمدارس الخاصه لم تعرفى شئ

شيماء@@@@@
29-12-2009, 04:47 PM
انا عندى مشكلة كبييرة جداً ونفسى حد ينصحنى ولو بمعلومة ابنى فى مدرسة الفردوس التجريبية امام دريم لاند وانا اسكن فى مدينة 6 اكتوبر امام مدرسة مبارك التجربيبة ابنى فى برايمرى 1 وحاولت مرارا وتكرارا نقله الى المدرسة المجاورة للبيت ولكن مدير الادارة التعليمية ربنا يهديه رافض بشكل وحش وبيقول الاى يجيب تأشيرة من وزير التربية والتعليم مكتوب فيها يقبل فوق الكثافة نقوم بنقلة يعنى الله يسامحه الاى عنده وسطه بس هو الاى يعيش والاى ماعندوش يموت انا ابنى لحد دلوقتى لايفقهه شىء فى المدرسة لان لايوجد باص يدخل عند البيت يأخذ الولد للمدرسة والمدرسين الى فى المدرسة المحتكرين للباصات الاى كانوا بياخدوا 150 ج فى الشهر قيمة نقل الطالب للمدرسة تم نقلهم المدرسة الالمانى واصبح لايوجد باص ينقل الطفل الى مدرسته فبالتالى قعدته فى البيت وماشيه بالمدرسين ولكن بردوا المدرسة عليها عمل كبير بالذات ان ابنى شقى جدا ولا استطيع السيطره عليه بعد ان عرف انه لايوجد شىء يربطه ويقوم وينام زى ماهو عايز وانا فى عملى ارجوكم لو حد يعرف اى طريقة يساعدنى بيها يقولى وشكراأأأأأأأأأأأأأأأ جزيلا

dinahahmed
29-12-2009, 10:58 PM
ممكن لو حد عنده اى معلومات عن المدرسة الالمانى التجريبى يدينى عنها فكرة بالنسبة لمكانها ولسن القبول فيها وهل لازم يكون الطفل دارس المانى قبل كدة ولا ايه؟ ولكم جزيل الشكر

zayyoda
30-12-2009, 10:04 AM
انا هروح غدا ان شاء الله وابنى ايضا سيروح بريمرى 2 يا zayyoda ,وساكتب لكى الاخبار ملكن مشكله النقل منها للمدارس الخاصه لم تعرفى شئ
طب يا نهى بالمرة اسأليه و قوليلينا ايه الاخبار :50 (31):

noha291
30-12-2009, 12:13 PM
والله يا zayyoda للاسف قرات المنتدي من الاول فوجت الناس تشكر فى مدرسه القاهره الى عند خير زمان وان قريب منها اوى و الناس نصحتنى ان لا اذهب فى مثل هذا الوقت عشان المتحانات فصاصبر فى بدايه الترم الثانى ولو تعرفى شئ عن القاهره
قولى لى

zayyoda
31-12-2009, 09:35 AM
والله يا zayyoda للاسف قرات المنتدي من الاول فوجت الناس تشكر فى مدرسه القاهره الى عند خير زمان وان قريب منها اوى و الناس نصحتنى ان لا اذهب فى مثل هذا الوقت عشان المتحانات فصاصبر فى بدايه الترم الثانى ولو تعرفى شئ عن القاهره
قولى لى

يا حبيبتي للأسف معرفش حاجة عن المدرسة دي اعرف مكانها لكن مستواها معرفش عنه حاجة بس فيه ناس زي ما انتي قريتي بتشكر فيها
احكمي عليها بزيارتك ليها و على فكرة هتبقى فرصة كويسة ان في الامتحانات تقابلي اولياء الامور و تسألي

شيماء@@@@@
31-12-2009, 09:43 AM
بالنسبة على سؤال dinahahmed عن المدرسة الالمانى فهذه المدرسة اسم فقط وليس لها علاقه بالمانى فهى تجريبى متميز بمعنى ان عدد التلاميذ فى الفصل لايزيد عن 29 طالب ومصاريفها زيادة عن التجريبى العادى بزيادة مضاعفة يعنى لو المصروفات 600 ج المصاريف فيها تكون 1200 ج وعلى فكرة بتاخد سن اقل من التجريبى فى التقديم لاول سنة وموقعها وراء مدرسة الطلائع التجريبى واما مركز الشباب بالحى السادس بجوار المرور لو روحتى هناك الف مين هايدلك وبالتوفيق ان شاء الله

noha291
31-12-2009, 12:19 PM
انا رحت القاهره والايجبيات هى ان المنهج فيها هو نفس المنهج عندنا مكميلان و in the jungleو يعطوا فرنساوى وايضا المانى ويعملوا شيت كثير ولكن منظر المدرسه بسيط والله اعلم بمستوى الطلاب فارجو المشوره هل اقدم فيها لانها قريبه منى تمشيه بغض النظر عن الشكل ولا اروح القوميه

noha291
03-01-2010, 06:37 PM
فنيك يا zayyodaمقولتيش عملتى ايه وايه رايك

om sohaila
04-01-2010, 11:50 AM
بالنسبة على سؤال dinahahmed عن المدرسة الالمانى فهذه المدرسة اسم فقط وليس لها علاقه بالمانى فهى تجريبى متميز بمعنى ان عدد التلاميذ فى الفصل لايزيد عن 29 طالب ومصاريفها زيادة عن التجريبى العادى بزيادة مضاعفة يعنى لو المصروفات 600 ج المصاريف فيها تكون 1200 ج وعلى فكرة بتاخد سن اقل من التجريبى فى التقديم لاول سنة وموقعها وراء مدرسة الطلائع التجريبى واما مركز الشباب بالحى السادس بجوار المرور لو روحتى هناك الف مين هايدلك وبالتوفيق ان شاء الله
الاولاد هياخدوا لغة المانية من بريمرى 4
و لسة طبعا مستوى المدرسة ما بنش نهائى لانها لسة جديدة
بش شكلها نضيف جدا و كبيرة تحسوا انها مغارة على بابا
انا بنتى فيها بس طبعا مش بوديها الايام دى
و المنهج بتاعها الانجليزى يو اند مى بردوا زى التجريبى العادى

salma mohamed
04-01-2010, 11:25 PM
انا كمان بنتى فى المدرسة الالماني اى سوال انا فى الخدمة

avalanshoon
05-01-2010, 07:51 PM
انا كمان بنتى فى المدرسة الالماني اى سوال انا فى الخدمة
يا ريت معلومات عن طريقة التقديم ومصاريف كي جي 2 وكيفية الاتصال بالمدرسة
وشكرا

zayyoda
06-01-2010, 10:11 AM
فنيك يا zayyodaمقولتيش عملتى ايه وايه رايك

ازيك يا نها يا حبيبتي و الله انا اسفة جدا الشغل واخد كل وقتي
انا بالفعل رحت القومية الاسبوع اللي فات يم الخميس في راس السنة بس موظفة شؤوون الطلبة مكنتش موجودة عشان اعمل ابليكيشن
بس قالولي حاجة حلوة اوي انهم في اجازة نص السنة شغالين و ممكن اروح في اي وقت
قلت خلاص ابل ما اروح اتصل و اسألهم لو الموظفة موجودة اروح و اعمل الابليكيشن

عارفة انا مشكلتي تحديدا ايه؟ ان شكل المدرسة من الخارج و الداخل كديكور و حوائط و كده اقل بكتييييير من مدرسة ابنى الحالية
و معرفش ده هيكون تأثيره ايه عليه؟ انتي ايه رأيك

مستوى القومية ممتاز كتعليم و لسه لما تكمل بناء هتكون تحفة

mamet jana
06-01-2010, 03:49 PM
والله انا صعبان عليا اوي السنة دي راحت كدة الأولاد ماستفدوش اي حاجة بجد وفلوس اترمت في الأرض الحمد للة علي كل شيء اللي اقدر اقولة ان ابني لما كان بيروح ودي ايام قليلة اوي كان ماشاء الله بيحفظ كل حاجة من غير ما اعيد معاة ومدرسة الأنجلش بتاعتة زي العسل اسما ميس مي وهي حتة بسكوتة والولاد بيحبوها جدا

noha291
06-01-2010, 09:51 PM
هى بنتك فى سنه كام ياmamat jana وربنا يخليكى على رفع الروح المعنويه ويا zayyoda مش عرفه اقول لكى ايه لكن مدام مستوى التعليم كويس والشكل ليس منحدر ممكن يتاقلم مع صحاب جدد خاصه انى عرفت ان المستوى فيها من حيث الاطفال واولياء الامور مستوى كويس جدا والمعظم نقل من مدارس المفروض محترمه

noha291
06-01-2010, 09:53 PM
ولا رايك ايه يا mamt janat فى المستوى جوه القوميه

رولا هاني
10-01-2010, 10:47 AM
انا كمان بنتى فى المدرسة الالماني اى سوال انا فى الخدمة


لو سمحتي يا سلمي ياريت تقوليلنا المدرسه خدت من سن كام كي جي ون.. والتقديم فيها بيكون امتي وفين؟... ومستوي المدرسه ايه والمدرسين...

mamet jana
10-01-2010, 03:19 PM
المدرسة لطيفة والأولاد مستواهم ومستوي اهاليهم كويس يعني انا اعرف كذا ماماة ولد زميل ابني علي فكرة جني دي بنتي الصغيرة يوس ف ابني اللي في كجي وان عموما انا مش قادرة احكم اوي لأن بجد التيرم الأول راح هدر

اودي
11-01-2010, 12:59 AM
السلام عليكم ورحمه الله وبركاته .

هذه اول مشاركه لي ...
ياريت اللي اولاده في المدرسه الالمانيه او النصر او الشيخ زايد يدلنا على مستوى المدرسه المبدئي في كجي 1 او 2 والسنوات الدراسيه التاليه.


*** *** *** *** *** ***

من حيث ...
- هل الطفل يستوعب ويحفظ من المدرسه ام المجهود كله على البيت؟
- الاكسنت بتاعه الطفل جيده ام لا؟
- هل هناك تعاون من الاداره والمدرسين مع ولي الامر؟
- مستوى المدرسات هناك.
- هل يتم عمل listening للاطفال؟
- ماهو منهج كجي هناك؟

*** *** *** *** *** ***


طلب اخر مصاريف كل مدرسه وهل للمدارس التجريبيه باص ام لا ويكون بكام وشكرا لكم تعاونكم.

mamet jana
20-01-2010, 06:04 PM
السلام عليكم يا ماميهات يا قمرات بمناسبة الأجازات في معرض حلو اوي ان شاء الله تبع منتدي فتكات انا حضرت معرضهم في ساري الف

mayoy
23-01-2010, 01:18 PM
انا كمان عضو فى فنكات هو المعرض حيكون فين ؟

mamet jana
24-01-2010, 04:46 PM
في كذا معرض يا جميلة تبع فتكات ان شاء الله في يوم 4/5/6/2/2010 في سبانجلز كافية مدينة نصر من 10 ص الي 10 مساء وفي يو 12/2/2010 في ساري القبة في قاعة مناسبات سراي القبة وفي في مسجد الحصري يوم 19/2/2010 ان شاء الله ولو زرتي مول فتكات هتلاقي الأخبار كلها هناك في الموقع بجد معارضهم تحفة ماشاء الله انا حضرت المعرض اللي فات في سراي القبة

safynaz
27-01-2010, 01:17 PM
الموضوع دا مهم جدا انا مش من أكتوبر لكن سكنت فيها من سنة بعد الزواج ومش عندي أطفال لسه وخريجة طب بيطري
أنا فكرت كتير في موضوع المدارس ودورت ووجدت إن الحل الامثل إني اعمل مدرسة فيها مواصفات تبني علماء وجيل صالح مدرسة قدوة وبصراحة دورت كتير وقلت هعمل مناهج لقيت إن المدارس الخاصة بتدرس منهج الوزارة + اللغات وحبة حاجات
لكن المدرسة اللي بفكر فيها بتدرس منهج الوزارة + مناهج العلوم والرياضيات بطريقة مختلفة وزيادة وفي معارض للعلوم مش للحفلات

زمان لما كنت في الإعداداي والثانوي كان نفسي في معمل كيمياء صغير وكان مستحيل في البيت أو المدرسة لكن الآن وجدت الموضوع بسيط جدا وهما اللي كانوا مكبرينه . المدرسة اللي بحلم بها فيها المعمل وحاجات كتير تساعدهم
والمدرسين على الفرازة وكل مدرس يعتز انه بيعمل في هذه المدرسة
الرياضة فيها بتعتمد على الجسد والعقل وفيها فروسية وسباحة ورماية أساسية مع ألعاب إضافية
المصاريف مش للربح لكن لسداد مصاريف المدرسة والتوسيعات

ليه مادام كلنا بنشتكي من المدارس وظروفها المتغيرة نعمل أحنا مدرسة بفلوسنا زي ما المصريين زمان عاملوا جامعة فؤاد الأول اللي هي جامعة القاهرة
أحنا ممكن نفكرونحلم ونبلور الفكرة ونحققها فعلا في زمن قياسي

mamet arwa
28-01-2010, 07:21 PM
السلام عليكم ورحمه الله وبركاته
يا جماعه انا حاسه الموضوع معقد جدا يا ريت حد يفهمنى ايه اللى بيحصل
لان انا بنتى هتكمل 4 سنين فى 15 اكتوبر اللى جاى وناس كتير بتقولى لازم اقدم فى شهر 6
وانا عايزه ادخلها تجريبى بس اعتقد كده انها مش هتقبل لان انا ملاحظه كده ان معظم الاولاد بيدخلو 5 وشويه
وانا خايفه انها ما تتقبلش كمان السنه اللى جايه لانها هتبقى 5 الا اسبوعين
فى ناس بتنصحنى انى اقدملها فى اى مدرسه لغات وبعدين احولها للتجريبى عشان السنه دى ما تروحش عليها
ياريت تفيدونى فى الموضوع دا[/size][/size]

mamet arwa
28-01-2010, 07:24 PM
السلام عليكم ورحمه الله وبركاته
يا جماعه انا حاسه الموضوع معقد جدا يا ريت حد يفهمنى ايه اللى بيحصل
لان انا بنتى هتكمل 4 سنين فى 15 اكتوبر اللى جاى وناس كتير بتقولى لازم اقدم فى شهر 6
وانا عايزه ادخلها تجريبى بس اعتقد كده انها مش هتقبل لان انا ملاحظه كده ان معظم الاولاد بيدخلو 5 وشويه
وانا خايفه انها ما تتقبلش كمان السنه اللى جايه لانها هتبقى 5 الا اسبوعين
فى ناس بتنصحنى انى اقدملها فى اى مدرسه لغات وبعدين احولها للتجريبى عشان السنه دى ما تروحش عليها
ياريت تفيدونى فى الموضوع دا
وياريت تقولولى تفاصيل التقديم بتبقى ازاى خصوصا اللى ولاده فى مدرسه النصر التجريبيه
لانى سمعت انها حلوه جدا ومصاريفها حوالى 300 والباص تقريبا 250

mamet arwa
28-01-2010, 07:29 PM
ويالايت تفيدونى لو ما قبلتش فعلا ادخلها حضانه عاديه ولا لازم تكون معتمده وتاخد شهاده منها؟
وياريت اللى مجرب المدارس التجريبى وولاده كبار يقولى
الولاد بياخدو دروس خصوصيه ولا لاء؟
ولو بياخدواسعارها ايه؟
وايه المواد اللى بياخدو فيها وايه اللى ممكن نستغنى عنه ومايخدوش فيه دروس؟

muslium
30-01-2010, 02:50 AM
السلام عليكم ورحمة الله و بركاته

عندك حق يا صافيناز أنا كمان بحلم بالمدرسه اللى بتقولى عليها ديه و اكتر
يا ترى نقدر نحقق حلمنا ده ازاى؟ عندك فكره؟

safynaz
30-01-2010, 11:40 AM
خطوط رئيسية للمدرسة :
تكون بجوار مدينة 6 اكتوبر لكن مش داخلها يعني ممكن عند الحزام الأخضر
المدرسة بتاخد الاطفال من عمر صغير زي البيبي كلاس ولحد 6 سنوات عمر المدرسة دا عمر إعداد الشخصية زي ما قال طارق سويدان
بعد كده مرحلة المدرسة زي العادي جدا المختلف هيكون
1- تعامل المدرسة مع الطلبة يعني مش بنتعامل مع عيال لأ احنا بنتعامل مع ناس كبار فاهمين وواعين جداجدا
2- اللغة العربية موجودة في كل مكان وتنطق بطريقة صحيحة مش مجرد دروس وبس والتلميذ الشاطر في العربي شاطر في بقية اللغات ومرة كان في خبر إن مدرس رياضيات فرنسي عاقب تلميذ على لحنه في اللغة الفرنسية
3- اللغات تدرس فيي أوقاتها بطريقة مكثفة وعن طريق ناس بتعرف تنطق صح
4- المدرس يكون لسه متخرج جديد المردسة تديه كورس مكثف في كيفية تعامله مع الأطفال وتهذيبهم وعمل امتحان وبعد كده نقرر ناخده او لأ
5- المدرس لو دخل المدرسة مش بيمشي بمزاجه يعني مثلا لو مدرس عربي بيفضل ال 6 سنين بتوع ابتدائي ليه؟ لانه اصلا مش بيدرس غير لفصل واحد ...وصلت الفكرة يعني الطلبة وهو بيكونوا جزء واحد مينفعش يمشي او المدرسة ترميه بره كده لأ
6- في تقييم لمستوى المدرس والطالب مستمر
7- كل واحد عنده فكرة يقدمها ولو بالكلام ونحاول نطورها وننفذها لكن الروتين القاتل اللي شفته في المدارس يموت
8- الرياضة لها وقتها ومكانها
9- تعليم الحرف اليدوية للطلبة لانها بتساعد في بناء شخصية قوية
10- الاهتمام بالموسيقى مش لازم يكونوا موزارت لكن يكون في حس راقي
11- عمل نماذج مصغرة من المتاحف الموجودة بالعالم ومعها شرائط توضح ما بداخلها من كنوز لأن صعب ناخد مدرسة لمتحف اللوفر مثلا او المتحف البريطاني
12- العلوم والرياضيات تكون مفهومة مش طلاسم والطالب المفروض يقعد يفك ودا هيجي لما تكون العلوم لها معمل وتجارب والرياضيات نطورها يعني في في أساليب كتير جميلة في تعليم الحساب السريع وكنت ترجمت كتاب عنه وفي مختصين ممكن نسألهم
13- شيء مهم جدا التاريخ والجغرافيا أو الدراسات الاجتماعية لازم تتدري بطريقة مختلفة تماما تربط بين المعلومة والواقع يعني في حاجة اسمها جغرافيا سياسية معناها إن بسبب الجغرافيا والتضاريس ممكن ناخد قرارات سياسية ودا بيأثر في حياة الشعوب يعني بنغير التاريخ ... الموضوع كبير ولازم يتفهم كده مش مجرد مواد وتدرس وخلاص
14- المدرسة دي هدفها تكبر لحد ما تكون كليات علمية مهمة وتكون لها مراكز أبحاث مختلفة يعني بره الشركات بتعمل معامل أبحاث وتطلع منتجات وتبيعها وتكسب وتعمل تاني وهكذا كذلك المدرسة هدفها هو خدمة المجتمع يعني الطالب هناخده طفل هنربيه ونعلمه ويدخل الكلية عندنا ولو عاوز يكون عالم في معامل مجهزة ... ودي ممكن نعتبرها أحد الجزر المنفصلة اللي يبتدي منها التطوير زي ماقال زويل عن العلم في مصر
في أفكار كتير وكتير لما توضع على الورق ويتعملها خطط هتكون شيء رائع........ والموارد المالية بسيطة لو اتقسمت على ناس كتير يعني تصور واحد دفع مليون وألف دفعوا المليون العبء المادي مختلف تماما....... وأعتقد أنه هيكون استثمار في أولادنا لصالح الجميع .. والبداية مش لازم تكون كبيرة لكن لازم تكون في خطة كبيرة وناس كتير يفكروا فيها ويشتركوا فيها
والإدارة بالانتخاب ودا بيحقق قوة دفع المدرسة للأمام يعني ولا من الوزارة فيكون غير مؤهل هو الموضوع تدرج وظيفي ولا صاحبها فكل اللي يهمه المال.. وشكرا للاهتمام بالفكرة

muslium
02-02-2010, 11:45 PM
صافيناز كلامك جميا و فكرتك حلوه اوى
بس نعملها ازاى انا معاكى بس قوليلى على الخطه

safynaz
05-02-2010, 08:14 PM
هفكر في خطة منظمة وهاجي قريب إن شاء الله

safynaz
09-02-2010, 05:17 PM
الخطة:
1-راس المال له 3 وظائف
شراء الارض-التعامل مع الوزارة وخصوصا الابنية التعليمية -المرتبات والتدريب حتى بداية العمل

2- المدرسين
اعلان لحديثي التخرج-اختبار-تدريب-اختبار

3-المناهج:
نشتري كتب الوزارة ونظبط المنهج مع مختصين

4-الطلبة:
اختبار قبول- اختبار كل عام

ملحوظة:
المدرسة لاتعمل بكامل طاقتها في المرحلة الابتدائية الا بعد 5 سنوات
المناهج تتضمن مناهج يابانية وفنلندية وغيرها مع التركيز على الدين والهوية

المزيد من الكلام يعني بداية العمل وتكوين فريق عمل...

strong_sat
24-02-2010, 03:16 AM
انا ام مايا و عايزة تفاصيل اكثر عن المدرسه الالمانى

ام عمر
02-03-2010, 03:50 PM
السلام عليكم يا جماعه الخير
ياريت لو فى هنا اولياء امور اولادهم فى مدارس بدر تايجرز او الرضوى او رياض الصالحين يقولولى رايهم فى المدارس دى واى تفاصيل عنها بسرعه لو سمحتم

lovely.mar
03-03-2010, 03:19 PM
أنا عايزة أحول لبنتي في مدرسة قريبة ، هي في كي جي 2 ومدرستها في الشيخ زايد اللي في ال11 ، كل الناس بتشكر في مدارس الشيخ زايد التجريبي بس هي مراحتش المدرسة خالص أنا بذاكرلها في البيت لبعد المسافة وكنت بسأل عن التحويل للصيني أو الألماني ، لو حد يعرف يقوللي. شكراً .

ام عمر
08-03-2010, 04:07 PM
يا جماعه ليه محدش بيرد
فين الامهات اللى اولادهم فى مدارس:50 (13):

محمود التهامي
08-03-2010, 08:43 PM
أم عمر
راجعي الروابط دي
هتلاقي معلومات تفيدك ان شاء الله



http://www.vb.6ocity.net/showthread.php?t=2380&highlight=%CA%C7%ED%CC%D1%D2

http://www.vb.6ocity.net/showthread.php?t=2080&highlight=%D1%ED%C7%D6

ام عمر
09-03-2010, 10:55 AM
شكرا جزيلا :36_3_12[1]:

انا كده تقريبا ان شاء الله استقريت على التجريبى عشان اقدم لابنى فيها بس انا عايزه اسال سؤال
هو تنسيق المدارس التجريبى بيكون على اساس ايه ؟ بمعنى الاداره التعليميه بتوزع الولاد على المدارس بناءا على المربع السكنى ولا على العدد المطلوب فى كل مدرسه ولا ايه بالظبط ؟؟؟؟؟؟؟؟؟

محمود التهامي
09-03-2010, 11:14 AM
اعتقد والله اعلم انه
أولا .... العمر
ثانيا .... العدد المطلوب
ثالثا .... النطاق الجغرافي

لانها عموما زي المدارس الحكومية بالظبط من الناحية التنظيمية
لو حضرتك في الاحياء السابع او الثامن او المتميز يبقا مدرسة النصر التجريبية بالحي المتميز افضل
اما لو كنتي في الاحياء الرابع او الخامس او السادس او الحادي عشر او الثاني عشر تبقا مبارك التجريبية بالحي السادس

ام عمر
09-03-2010, 11:29 AM
شكرا استاذ محمود ان شاء الله ربنا ييسر الاحوال يا رب لانى بالنسبه للسن انا مطمنه لان ابنى عمره خمس سنين و3 شهور بالظبط عند بدايه السنه الجديده ان شاء الله

mamet ahmed
21-04-2010, 01:18 PM
ياجماعة أنا عضو جديد فى المنتدى وهو حلو جداً لسكان أكتوبر وربطهم ببعض خصوصاً للى ذيى انا ما بخرجش كتير فى أكتوبر ومحتاجة أعرف حاجات عهنها خصوصاً علشان أختار مدرسة لأبنى بس من فضلكم حد يقولى أزاى اشارك معاكم أنا مش عارفة أتعامل مع النتدى ,استعرض الآراء من فضلكم حد يرد على

muslium
22-04-2010, 03:42 PM
بشرى ساره :)
أخير و بعد طول غياب تم أطلاق موقع مدارس..مدارس..مدارس

حصريا على موقع مدارس مدارس مدارس الكثير من أراء اولياء الأمور فى مدارس أبنائهم من واقع تجربتهم الشخصيه
مدارس فى محافظات مصر - مدارس خاصه عربى او لغات - مدارس تجريبيه - مدارس حكوميه - مدارس دوليه
http://sites.google.com/site/madaresmadares/
شاركونا يا جماعه :)

ameeraimam
25-04-2010, 10:38 PM
من فضلكم يا جماعة فيدونى
أنا ساكنة فى الحى الرابع .... و فى مجمع مدارس حييفتح فى نفس الحى .... و شفت من يومين اسم المدرسة اسمها مدارس النيل المصرية و هى تحت رئاسة مجلس الوزراء و سمعت انها تجريبية نموذجية
كنت عايزة أتاكد منكم من الكلام ده صحيح و لا لأ ..... و لو حد يعرف معلومات أكتر او مكان أقدر أستفسر منه أكتر لانى لسه ساكنة جديد فى مدينة أكتوبر.
أرجو منكم سرعة الرد لانى عايزة أقدم لابنى فى تجريبى .
أعتذر منكم على الاطالة .

loly_loly
28-04-2010, 04:57 PM
انا ابنى فى مدرسة بدر تايجرز
قضى فيها كجى وان و كى جى تو اهو خلاص امتحانته الاسبوع القادم
هما كويسين و بيهتموا بالطفل و ابنى بقى كويس فى الحساب و العربى
و الدين بيروح من المدرسة حافظ السورة و الحديث اللى واخدهم
بياخدو انجليش كمان و ماث بس يعنى عيبهاانها مش لغات و هما بيقولوا فى اهتمام بالغة بس مش شايفة ده اوى
و هياخدوا فرنساوى من سنة رابعة ابتدائى
انا بصراحة عايزة احوله مدرسة لغات كويسة
و قريت الموضوع هنا من اوله احترت جدا لأن باباه كان عايز يقدمله فى رويال ،و انا كنت سامعة عن مدرسة بفرلى هيلز تقريبا نفس مصارف رويال
مش عارفة بقى اعمل ايه و ميعاد التقديم لبرايمرى وان بدء
ممكن حد يفدنى لو عنده تجربه مع رويال او بفرلى هيلز
كمان مدارس نيو فيجن او الرؤية الجديدة
بصراحة محتارة اوووووووووووووووووى
ناس هنا شكرت فى القاهرة للغات بس انا شيفاها كشكل مش حلوة لكن قريت ناس شكرت فيها هنا و ناس على فيس بوك بتذم فيها
حيرتونى و الله:50 (8):

Omelbanat
29-04-2010, 03:27 PM
السلام عليكم ورحمة الله وبركاته
أنا مشاركة جديدة فى المنتدى ومبسوطة جدا بوجود المنتدى علشان نقدر نتفاعل مع بعض ونفيد بعض.
اما بالنسبة لموضوع المدارس فى 6 اكتوبر فانا ليا خبرة شخصية مع مدرستين الاولى هيه مدرسة الرضوى الخاصة لغات فى الحى السابع لان بنتى قعدت فيها ثلاث سنوات وبعدين نقلتها لان المدرسين الكويسين اللى كانوا فى المدرسة مشيوا وسابوا المدرسة نتيجة لسوء معاملة الإدارة وصاحب المدرسة لهم.
بعد كده نقلتها لمدرسة القاهرة للغات على المحور المركزى جنب خير زمان وكانت المدرسة بادية بداية كويسة وفيها مدرسين ممتازين ومحترمين واستمرت كده حوالى اربع سنين وبعدين بدأت تتدهور تدهور سريع ورهيب وكل ده برده بسبب سوء معاملة الإدارة ومديرة المدرسة للمدرسين لان مديرة المدرسة عادة ما تتعامل مع المدرسين بالصوت العالى والسباب والشتائم والاولاد فى المدرسة اتعودوا يشوفوها بتهزأ المدرسين وكمان بعض المدرسين تركوا المدرسة بسبب المرتبات الضعيفة وعدم موافقة الادارة على زيادة رواتبهم وكل المدرسين اللى تركوا المدرسة راحوا مدارس تانية فى اكتوبر قدروا ياخدوا فيها رواتب افضل وكمان يتعاملوا معاملة افضل زى مدرسة رويال للغات او معهد الحصرى للغات او ام القرى او دريم انترناشيونال.
بالاضافة لكده فهى بتتعامل مع اولياء الامور بنفس الطريقة ويا ويله اللى يروح يشتكى من حاجة مش مظبوطة فى المدرسة ولازم نعرف ان المديرة احد الشركاء فى المدرسة وبقية الشركاء كانوا مفوضين واحد منهم علشان يباشر امور المدرسة معاها وده كان فى بداية نشأة المدرسة والراجل كان لطيف ومتعاون مع اولياء الامور فى اى حاجة بيشتكوا منها فى المدرسة لكن ده ما عجبش الست المديرة فتخلصت منه بخناقة ومشكلة وبعدين فوضوا واحد تانى من الشركاء علشان يساعدها ولما ما عرفتش تتخلص منه لغت وجوده تماما ومنعت اولياء الامور من مقابلته لدرجة ان لو حد من اولياء الامور راح علشان يقابله بتعرف فى نفس اللحظة وتخرج تسأله انت عايزة ليه وممكن تنكر وجوده او تمنعه من مقابلته والراجل نفسه مريح دماغه ومبقاش يروح المدرسة اصلا.
وعلشان كده انا هحاول انقل بنتى السنة دى بعد الامتحانات لان مستوى المدرسين تعبان جدا فى المدرسة لان معظمهم خريجين جداد اللى بقاله سنة او اتنين بالكتير ومش مدربين على شرح المناهج كويس
بالاضافة إلى انها خلت الزيادة على مصاريف السنة الجاية 600 جنيه مرة واحدة بدل من ال300 جنيه اللى كانت بتاخدهم زيادة كل سنة بدون تقديم اسباب لهذه الزيادة المفاجئة.
واللى اكتر من كده انها عايزة تمضى اولياء الامور على إقرار بعدم نقل اولادهم من المدرسة بعد 30/6/2010 واللى هينقل ابنه بعد التاريخ ده ملزم يدفع لها مصاريف السنة الدراسية كاملة وإلا مش هياخد ورق ابنه من المدرسة وبالتالى مايقدرش يقدمله فى مدرسة تانية وطبعا تصرفها ده حصل نتيجة علمها بان كتير من اولياء الامور راحوا المدارس التانية وسألوا فيها علشان يحولوا لاولادهم بعد الامتحانات.
فهل تتخيلوا ان لو حد حاصله اى ظروف خلال شهر 7 او 8 او 9 مثلا واضطر يسيب الكتوبر ويروح مكان تانى وبالتالى اضطر ينقل ولاده لمدرسة فى المكان الجديد فهو ملزم يدفعلهم مصاريف المدرسة مرتين مرة فى القاهرة للغات ومرة فى المدرسة الجديدة.
انا اسفة انى طولت عليكم لكن ماعرفتش اشرح الوضع باختصار اكتر من كده ومن تجربتى الشخصية لا انصح بالتعامل مع مدرسة القاهرة للغات. وعلى فكرة انا قرأت بعض من الحاجات اللى مكتوبة عن المدرسة على ال facebook وفيها حاجات صحيحة كتير.
واخيرا يشهد الله ان كلامى هذا ليس كذبا او افتراء او مبالغا فيه لاى سبب من الاسباب.

loly_loly
29-04-2010, 06:18 PM
مرسى يا ام البنات على ردك و توضيحك لحقيقة مدرسة القاهرة للغات كده هتتحذف من القايمة
كمان حذفت نيو فيجن لأن مصاريفها 36 الف جنيه لبرايمرى وان
بس ياترى هتنقلى بنتك فين؟:storm_9401257127043

mamet ahmed
04-05-2010, 01:21 PM
ياجماعة أنا سمعت عن المدرسة الألمانية المتميزة من فضلكم لو حد يعرف حاجة عنها يقولى ( مستوها والمصروفات ) وكمان لو فى مدارس المستقبل التابعة لسوزان مبارك فى أكتوبر حد يقولى فين فى أكتوبر لأن بيقولوا حلوة جداً وبيهتموا بالأولاد ، وأيه المدارس التابعة لرئاسة الوزراء دى فين والواحد يسأل هنعا أزاى

nogafoda
04-05-2010, 02:53 PM
انا اعرف ان المستقبل دي مدارس تجريبيه
ومش هي الافضل يعني الطلائع افضل منها بكتير ونتائجها كمان افضل
بس المشكله ان انتي مش من حقك تختاري انتي بتقدمي والتنسيق هو الي بيوزع
اما بالنسبه للالمانيه هي لسه جديده وملهاش نتائج سابقه
بس الي انا اعرفه انها منحه المانيه ولكي حق الاختيار تكون الالماني اللغه الاولي او الثانيه
ومصاريفها تقريبا1500 الي 2000 جنيه

loly_loly
12-05-2010, 12:09 AM
على فكرة المدرسة القومية اللى كلكم بتشكروا فيها دى وحشة جدا
بصراحة اول مارحت كانت مقابلة وحشة جدا
و المدرسة ضيقة و لا فيها حتى حوش للاطفال و بيقولو ا لسه بيتعمل و هايتفتح
بس بصراحة الناس هناك تصد النفس:50 (8):

mamet ahmed
12-05-2010, 12:37 PM
من فضلك يا أميرة توصفيلى مكان وعنوان مدرسة النيل بالظبط علشان عايزة أروح أشوفها وشكراً لتعبك

mamet ahmed
12-05-2010, 12:41 PM
يا جماعة أنا رحت النهاردة المدرسة الألمانية اللى عنوانها ش 24 الحى الرابع خلف مدرسة الطلائع ولقيت أسمها مدرسة الحى الخامس التجريبية المتميزة ومتعارف عليها بين الناس الألمانية لأنها بدرس ألمانى من الصف الخامس وقالولى أن فى مدرسة ثانية أسمها الألمانية فعلاً فى أكتوبر من فضلكم لو حد يعرف مكانها يوصفهولى وشكراً جداً

doaa el nahas
13-05-2010, 10:54 PM
علي فكره يا جماعه انا سالت علي مدارس النيل اللي في الحي الرابع و عرفت انها هتدرس مناهج انترناشونال و مصاريفها في حدود 6 الاف جنيه لانها مدعمه من رئاسه الوزراء و هتقبل السنه دي kg و اولي ابتدائي و سته ابتدائي فقط

nogafoda
14-05-2010, 05:23 PM
انا كمان رحت المدرسه دي هي جنب مدارس رويال الدوليه
وسالت في لاداره التعليميه بس قالولي انهم لسه معندهمش اي معلومات عنها

mamet arwa
17-05-2010, 11:12 AM
السلام عليكم
يا جماعه حد يعرف معلومات عن مبارك التعليميه
وياريت لو حد ولاده فى المدرسه الصينى او المدرسه الالمانيه يقولينا ايه اخبارهم

mamet ahmed
20-05-2010, 11:35 AM
يا mamet arwa أنا رحت الألمانية اللى فى الحى الرابع ولقيت أسمها مدرسة الحى الخامس التجريبية ومتعارف عليها بالألمانية لأنها بدرس المانى من خامسة أبتدائة ومصروفتها 1000 جنيه بدون الباص والتقديم أول يونيو بس قالولى أن فى ألمانية ثانية فى أكتوبر ياريت ياجماعة لوحد يعرف مكانها يقولنا

waled magd
20-05-2010, 08:30 PM
يامدام سلمى بعد اذنك عايزين نعرف شروط التقديم والتحويل للمدرسة الالمانية وهل لها باص ام لا وشكرا انا مامت مازن

shimoos
25-05-2010, 10:36 PM
al salam 3lykom ana nawya an2el 6 october karebn en sha2 allah we kont 3ayza 2a3rf law 7ad y3arf mostaw royal international ******************************** school fi el 7y el rab3 argo el 2efada sre3n

abomomen
20-11-2010, 12:22 PM
اسمحى لى حضرتك اطلب منك النصيحة
بحكم خبراتك فى مدارس اكتوبر
اولادى هايرجعوا يدرسوا فى مصر واحنا فى الحى اسلابع
هما هايدرسواف ى مدراس عربى 3و5 ابتدائى و3 اعدادى
وقرات مشاركتك فى المنتدى ورايك اعجبنا جدا جدا

اتمنى تساعدينىا فى اختيار مدرسة مناسبة
جزاكم الله خيرا

abomomen
20-11-2010, 12:24 PM
:36_3_12[1]:بعد التحية للجميع ، أنا عضوة جديدة معاكم ودي أول مشاركة لي في المنتدى كله
أنا مش عايزة أحبطكم يا جماعة ، أنا مدرسة لغة عربية ، والحمد لله اللغة عندي كويسة إلى حد كبير
واشتغلت بمعظم مدارس 6 أكتوبر الكبيرة
وشايفة إن التعليم كله واحد ، مبيفرقش عن التجريبي حاجة خالص ، البيت يا جماعة هو الأساس ، البيت اللي بيحرص على تفوق أولاده هو ده اللي بيتميز مش المدرسة خالص ، ومدرسة المانور هاوس للي كان بيسأل على مصاريفها معدية ال10.000 يعني زي مصر للغات ، وعايزة أضيف كمان إن معظم الأولاد في المدارس اللي اشتغلت فيها كانوا بياخدوا دروس في أغلب المواد ، وقليل من المدرسين بيرفض الدروس علشان ميتفرضش عليه يوزع الدرجات حسب سعر الحصة
وعايزة أقولكم كمان إني فضلت أقدم لبنتي في مدرسة تجريبي على الرغم من إني كان ممكن آخدها معايا في المدرسة بخصم 50% على مصاريف التعليم طبعاً يعني بدون باص ويونيفورم وكتب ، لكن المدرس بيكون آخر واحد ممكن يهتموا بابنه بالرغم من إنه دافع ، لكن أهو مننا وعلينا بأه وعمره ما هيشتكي زمايله أو مديرينه ، أما القوميات فهي فعلاً أفضل حالاً ماديا وعلميا لكن برده متابعة البيت هي الأساس .
أنا شايفة إن احنا بندفع في اللغات الخاصة ثمن شياكة المكان ، زي الفندق كده ، لكن مش ثمن الخدمة خالص .
آسفة إذا كنت سودتها في وشكم ، بس أولادنا أولى بفلوسنا ، ومدام كده كده هياخدوا دروس نقول من إعدادي مثلاً بلاش ابتدائي ، ونقول في بعض المواد مش كلها يبقى ندفع ليه مصاريف غالية ، ومفيهاش حاجة لو تعبنا معاهم شوية ، ونقود احنا الدفة:36_5_11[1]:والله المستعان

الأخت الفاضله السلام عليكم وكل عام وانتم بخير

السلام عليكم وكل عام وانتم بخير

اسمحى لى حضرتك اطلب منك النصيحة
بحكم خبراتك فى مدارس اكتوبر
اولادى هايرجعوا يدرسوا فى مصر واحنا فى الحى اسلابع
هما هايدرسواف ى مدراس عربى 3و5 ابتدائى و3 اعدادى
وقرات مشاركتك فى المنتدى ورايك اعجبنا جدا جدا

اتمنى تساعدينىا فى اختيار مدرسة مناسبة
جزاكم الله خيرا

mamet ahmed
20-11-2010, 05:22 PM
السلام عليكم يا جماعة حد يقولى آخر أخبار مدارس أكتوبر أيه وفى حد سمع عن مدارس النيل فى الحى الرابع لو حد يعرفها من فضلكم يقولى العنوان بالتفصيل و عايزة أعرف التقديم فى المدارس للعام القادم إن شاء الله بيبدأ من أمتى لأن فى ناس قالولى من شهر فبراير وناس قالولى من مايو

abomomen
22-11-2010, 02:23 PM
عاجــــل جدا جدا


انا عضو جديد ومقيم بالسعودية وهنزل نهائى بعد اسبوعين وعندى بنتين فى ابتدائى واحدة فى اولى والتانية فى رابعة وعايز ادخلهم مدرسة كويسة فى اكتوبر ومش عارف فى حد هيقبلهم دلوقتى والدراسة بدأت خلاص ام لا واى مدرسة الكويسة وايه اقربلى لأن سكنى فى عمارات رامو امام المتميز ياريت حد يهتم ويرد عليا بسرعة:36_3_12[1]:


السلام عليكم
اسمح لى اخى الكريم اطلب مشورتك لأنى امر حاليا بنفس ظروف انتقالى من السعودية الى مصر واولادى عاوز ادخلهم مدارس عربى كويسة فى اكتوبر
ارجو ان تفيدنى بتجربتك وهل التحويل بيتم بدون اى مشاكل ولا ممكن المدار س لاتقبل تحويلات

والف شكر

abomomen
22-11-2010, 02:52 PM
السلام عليكم يا جماعه الخير
ياريت لو فى هنا اولياء امور اولادهم فى مدارس بدر تايجرز او الرضوى او رياض الصالحين يقولولى رايهم فى المدارس دى واى تفاصيل عنها بسرعه لو سمحتم

السلام عليكم
هل ممكن اعرف اى معلومات وصلت لحضرتك عن مدرسة رياض الصالحين والرضوى
لان اولادى هاينزلوا من السعودية يدرسوا فى مصر ( 6 اكتوبر فى الحى السابع) وهما اقرب المدارس لنا
هل اطمع تزودونا باى معلومات عنهم
وجزاكم الله خيرا

abomomen
22-11-2010, 02:59 PM
من فضلكم حد يفيدنا عن مواعيد وشروط التحويلات فى مدارس اكتوبر للعائدين من الخارج

dina_aqua
07-12-2010, 03:50 AM
خطوط رئيسية للمدرسة :
تكون بجوار مدينة 6 اكتوبر لكن مش داخلها يعني ممكن عند الحزام الأخضر
المدرسة بتاخد الاطفال من عمر صغير زي البيبي كلاس ولحد 6 سنوات عمر المدرسة دا عمر إعداد الشخصية زي ما قال طارق سويدان
بعد كده مرحلة المدرسة زي العادي جدا المختلف هيكون
1- تعامل المدرسة مع الطلبة يعني مش بنتعامل مع عيال لأ احنا بنتعامل مع ناس كبار فاهمين وواعين جداجدا
2- اللغة العربية موجودة في كل مكان وتنطق بطريقة صحيحة مش مجرد دروس وبس والتلميذ الشاطر في العربي شاطر في بقية اللغات ومرة كان في خبر إن مدرس رياضيات فرنسي عاقب تلميذ على لحنه في اللغة الفرنسية
3- اللغات تدرس فيي أوقاتها بطريقة مكثفة وعن طريق ناس بتعرف تنطق صح
4- المدرس يكون لسه متخرج جديد المردسة تديه كورس مكثف في كيفية تعامله مع الأطفال وتهذيبهم وعمل امتحان وبعد كده نقرر ناخده او لأ
5- المدرس لو دخل المدرسة مش بيمشي بمزاجه يعني مثلا لو مدرس عربي بيفضل ال 6 سنين بتوع ابتدائي ليه؟ لانه اصلا مش بيدرس غير لفصل واحد ...وصلت الفكرة يعني الطلبة وهو بيكونوا جزء واحد مينفعش يمشي او المدرسة ترميه بره كده لأ
6- في تقييم لمستوى المدرس والطالب مستمر
7- كل واحد عنده فكرة يقدمها ولو بالكلام ونحاول نطورها وننفذها لكن الروتين القاتل اللي شفته في المدارس يموت
8- الرياضة لها وقتها ومكانها
9- تعليم الحرف اليدوية للطلبة لانها بتساعد في بناء شخصية قوية
10- الاهتمام بالموسيقى مش لازم يكونوا موزارت لكن يكون في حس راقي
11- عمل نماذج مصغرة من المتاحف الموجودة بالعالم ومعها شرائط توضح ما بداخلها من كنوز لأن صعب ناخد مدرسة لمتحف اللوفر مثلا او المتحف البريطاني
12- العلوم والرياضيات تكون مفهومة مش طلاسم والطالب المفروض يقعد يفك ودا هيجي لما تكون العلوم لها معمل وتجارب والرياضيات نطورها يعني في في أساليب كتير جميلة في تعليم الحساب السريع وكنت ترجمت كتاب عنه وفي مختصين ممكن نسألهم
13- شيء مهم جدا التاريخ والجغرافيا أو الدراسات الاجتماعية لازم تتدري بطريقة مختلفة تماما تربط بين المعلومة والواقع يعني في حاجة اسمها جغرافيا سياسية معناها إن بسبب الجغرافيا والتضاريس ممكن ناخد قرارات سياسية ودا بيأثر في حياة الشعوب يعني بنغير التاريخ ... الموضوع كبير ولازم يتفهم كده مش مجرد مواد وتدرس وخلاص
14- المدرسة دي هدفها تكبر لحد ما تكون كليات علمية مهمة وتكون لها مراكز أبحاث مختلفة يعني بره الشركات بتعمل معامل أبحاث وتطلع منتجات وتبيعها وتكسب وتعمل تاني وهكذا كذلك المدرسة هدفها هو خدمة المجتمع يعني الطالب هناخده طفل هنربيه ونعلمه ويدخل الكلية عندنا ولو عاوز يكون عالم في معامل مجهزة ... ودي ممكن نعتبرها أحد الجزر المنفصلة اللي يبتدي منها التطوير زي ماقال زويل عن العلم في مصر
في أفكار كتير وكتير لما توضع على الورق ويتعملها خطط هتكون شيء رائع........ والموارد المالية بسيطة لو اتقسمت على ناس كتير يعني تصور واحد دفع مليون وألف دفعوا المليون العبء المادي مختلف تماما....... وأعتقد أنه هيكون استثمار في أولادنا لصالح الجميع .. والبداية مش لازم تكون كبيرة لكن لازم تكون في خطة كبيرة وناس كتير يفكروا فيها ويشتركوا فيها
والإدارة بالانتخاب ودا بيحقق قوة دفع المدرسة للأمام يعني ولا من الوزارة فيكون غير مؤهل هو الموضوع تدرج وظيفي ولا صاحبها فكل اللي يهمه المال.. وشكرا للاهتمام بالفكرة

و الله فكرة يا صافيناز ياريت نعملها بسرعة لو كل سكان أكتوبر اللي يهمهم ان السعر ما يكونش عالي و مبالغ فيه و في نفس الوقت نفسهم أولادهم يستمتعوا بالتعليم بجد لو كلهم اجتمعوا هنقدر نبنيها و بسرعة كمان

نبض الكلمات
01-03-2011, 09:31 PM
ممكن أعرف معلومات عن مدرسة زهرة المدائن ، لإن أولادى فى بدر تايجرز وعايزة أنقلهم منها

مصطفى الزيادي
10-04-2011, 04:22 PM
بارك الله لكل من شارك هفي هذا الموضوع

SHERIF MOHMMED
09-09-2011, 10:28 PM
مدارس التجريبى الفردوس . الاحرار . الهدى .

hebazeiti
17-12-2011, 09:44 PM
ياجماعه حد يعرف اى حاجه عن مدرسة اوراسكوم الى فى الهرم سيتى كويسة ولا لا؟ و ايه رايكم فى مدرسة الدلتا للغات؟

Mostafa Badawy
30-04-2012, 07:28 PM
مدارس النيل المتميزة فى الحى الرابع بجوار مدارس رويال و هى مدارس تتبع صندوق تطوير التعليم التابع لمجلس الوزراء و مديرتها بنت خالة احمد نظيف و مصاريف ال كى جى وان 7 و نصف و هى ليست مدرسة انترناشيونال طبقا لكلام مديرتها و لكن تتبع اسلوب جديد فى التعليم و كل مناهجها تاتى من جامعة كمبريج باستثناء التربية الدينية و التربية القومية هذا هو العام الثانى لها المدرسة القومية اللى بجوار اكاديمية مبارك تعتبر افضل المدارس نسبيا للمصاريف فهى مدارس لغات و المادحين فيها اكثر من الذامين بكثير بجانب ان اسعارها تعتبر جيدة بالمقارنة بباقى المدارس التى يشكو الكثير منها و مشكلتها فقط فى انها تطبق النظام الحكومى فى السن هناك مدارس اراها جيدة ايضا مثل رويال فى الحى الرابع و الخليل فى الحى السابع و الحصرى فى الاول و سيتى فى المتميز و انفينيتى فى الشيخ زايد و اسعارهم بالترتيب للكى جى 7 8 8 9 11 بخلاف اسعار الباص و اليونيفورم و الكتب هناك طبعا المدارس الخاصة و هى مدارس عربى و ليست لغات مثل بدر تايجر و زهرة المدائن هناك مدارس لغات اراها اقل فى المستوى من مثيلتها و هى طيبة فى المتميز و بايونير فى السابع و القاهرة بجوار خير زمان و جيل 2000 فى الثانى و ام المؤمنين فى الثالث ترتيب المدارس حسب الجودة ( فى رايى طبعا )فهى الانترناشيونال ثم القومية ثم اللغات ثم التجريبى ثم الخاصة ثم الحكومى هناك مدارس جميلة جدا و تحفة و لكن غالية جدا و لذا لم اذكرها هنا ( مثل الشويفات و مهارات و نيو فيجن )

Mona El Tantawy
09-02-2013, 02:39 PM
دروس تقوية للغة الانجليزية (http://egyptianmart.blogspot.com/2013/01/blog-post_8137.html)